Facebook : जवळपास एक दशकानंतर फेसबुक लवकरच अॅपमध्ये आपला एक जुना पर्याय परत आणू शकते. 2014 मध्ये निर्णय घेत, फेसबुकने अॅपमधून इनबॉक्स पर्याय काढून टाकला आणि फेसबुक आणि मेसेंजर या दोन अॅप्सची स्वतंत्रपणे जाहिरात केली. मेटा सीईओ मार्क झुकरबर्ग यांनी तेव्हा सांगितले होते की, या निर्णयामुळे लोकांना चांगला अनुभव मिळेल.
या निर्णयानंतर लोकांना फेसबुकवर आलेले मेसेज पाहण्यासाठी मेसेंजर अॅपची गरज भासू लागली आणि तेथून ते चॅट करू शकले. म्हणजेच संभाषणासाठी मेसेंजर अॅपची गरज होती. असे बरेच लोक होते ज्यांनी या निर्णयानंतर एफबी लाईट वापरण्यास सुरुवात केली जेणेकरून त्यांना 2 अॅप्स वेगळे वापरावे लागू नयेत. पण आता जवळपास एक दशकानंतर फेसबुक पुन्हा अॅपवर इनबॉक्सचा पर्याय आणण्याचा विचार करत आहे.
सुप्रसिद्ध सोशल मीडिया इन्फ्ल्युएंसर 'मॅट नवरा' यांनी एक ट्विट शेअर केले आहे ज्यामध्ये फेसबुक लोकांना नवीन चॅट अनुभवाची चाचणी घेण्यास सांगत आहे. कंपनीने स्वत: ब्लॉग पोस्टमध्ये सांगितले की ते लवकरच Facebook सह मेसेंजर इंटीग्रेट करू शकते. मात्र, नवीन चॅट ऑप्शनमध्ये लोकांना कोणते फीचर्स मिळतील आणि ते किती काळासाठी रोलआउट केले जातील याची माहिती समोर आलेली नाही. मेसेंजर फेसबुकसोबत इंटीग्रेट झाल्यास, लोक येथून त्यांच्या इनबॉक्समध्ये प्रवेश करू शकतील.
नुकतेच मेटा यांनी हे पाऊल उचलले आहे
फेसबुकचे सीईओ मार्क झुकरबर्ग यांनी अलीकडेच फेसबुक आणि इंस्टाग्रामसाठी पेड सर्व्हिस जाहीर केली. सध्या ही सेवा काही देशांमध्ये सुरू करण्यात आली आहे, जी लवकरच कंपनी इतर देशांमध्येही सुरू करणार आहे. याशिवाय, कंपनीने अलीकडेच प्लॅटफॉर्मवरील निर्मात्यांसाठी रील मर्यादा 60 सेकंदांवरून 90 सेकंदांपर्यंत वाढवली आहे जेणेकरून ते स्वतःला मोकळेपणाने व्यक्त करू शकतील. (technology)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
