एखाद्या अ‍ॅपवर असणारा तुमचा पर्सनल डेटा हा सुरक्षित आहे असं जर तुम्हाला वाटत असेल, तर थोडं थांबा. फेसबुक, इन्स्टाग्राम, एक्स (ट्विटर), यूट्यूब, लिंक्ड इन आणि चक्क उबर इट्स असे अ‍ॅप्स देखील तुमचा पर्सनल डेटा दुसऱ्यांसोबत शेअर करत असतात. यामध्ये सर्वात पुढे मेटा कंपनीचे अ‍ॅप्स असल्याची माहिती एका रिपोर्टमध्ये समोर आली आहे.
दि मनी माँगर्स नावाच्या कंपनीने हा डेटा शेअर केला आहे. मेटा कंपनीचे फेसबुक, इन्स्टाग्राम, थ्रेड्स आणि मेसेंजर हे सर्व अ‍ॅप्स आपल्या यूजर्सचा 86 टक्के डेटा शेअर करतात असं या डेटामध्ये समोर आलं आहे. कोणतं अ‍ॅप किती डेटा शेअर करतं याची एक संपूर्ण यादीच मनी माँगर्सने प्रसिद्ध केली आहे.
या यादीमध्ये पाचव्या क्रमांकावर लिंक्डइनचा समावेश आहे. हे अ‍ॅप यूजर्सचा 65% डेटा शेअर करते. त्यानंतर उबर इट्स (54%) आणि डोअर डॅशचा (50%) समावेश आहे. इलॉन मस्कचे एक्स अ‍ॅपही 50% डेटा शेअर करते.
गुगलचं यूट्यूब आणि यूट्यूब हे अ‍ॅप्स यूजर्सचा 47% डेटा शेअर करतात. ड्राफ्टकिंग्स स्पोर्ट्सबुक आणि कॅसिनो हे अ‍ॅपही यूजर्सचा 47 टक्के डेटा शेअर करते. गुगल, यूट्यूब टीव्ही आणि एनएफएल हे अ‍ॅप्स आपल्या यूजर्सचा 43 टक्के डेटा थर्ड पार्टीला शेअर करतात. (Tech News)
या रिपोर्टमध्ये असंही सांगण्यात आलं आहे, की प्रत्येक दहा अ‍ॅप्समागे 7 अ‍ॅप्स आपल्या यूजर्सचा डेटा शेअर करतात. यातील बहुतांश अ‍ॅप्स निम्मा डेटा थर्ड पार्टीला शेअर करतात, तर सुमारे 70 टक्के डेटा आपल्या फायद्यासाठी ठेवऊन घेतात. सध्या उपलब्ध अ‍ॅप्सपैकी सुमारे 64% अ‍ॅप्स असे आहेत, जे आपल्या यूजर्सचा फोन नंबर आणि इतर पर्सनल डेटा थर्ड पार्टीसोबत शेअर करतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.