फेसबुक आणि इन्स्टाग्रामवर आता नवीन सबस्क्रिप्शन प्लॅन लागू झाले आहेत. यामुळे आता या दोन्ही प्लॅटफॉर्मवर जाहिरातींशिवाय कंटेंट पाहता येणार आहे. मेटाने हे अ‍ॅड-फ्री सबस्क्रिप्शन प्लॅन्स कंपनीने युरोपमध्ये लाँच केले आहेत. नोव्हेंबरपासून हे लागू होतील.
फेसबुक आणि इन्स्टाग्राम यूजर्सचा अ‍ॅप वापरण्याचा अनुभव आणखी चांगला व्हावा यासाठी हे पाऊल उचलण्यात आलं आहे. अँड्रॉईड आणि आयओएस अशा दोन्ही यूजर्सना हे प्लॅन्स लागू असतील. दोन्ही डिव्हाईससाठी प्लॅन्सची किंमत सारखीच असणार आहे.
फेसबुक किंवा इन्स्टाग्राम यांपैकी एकाच अ‍ॅपवर अ‍ॅड-फ्री एक्सपिरीयंस हवा असेल, तर त्यासाठी महिन्याला 9.99 युरो (सुमारे 881 रुपये) एवढे चार्जेस असणार आहेत. तर वेबसाईटवर अ‍ॅड-फ्री अनुभवासाठी महिन्याला 12.99 युरो (सुमारे 1,145 रुपये) एवढे चार्जेस असणार आहेत.
लिंक्ड अकाउंटसाठी देखील ही सुविधा उपलब्ध करण्यात आलेली आहे. अर्थात, यासाठी अतिरिक्त चार्जेस द्यावे लागणार आहेत. 1 मार्चनंतर लिंक करण्यात आलेल्या अकाउंटना वेब व्हर्जनसाठी महिन्याचे 6 युरो (सुमारे 529 रुपये) तर, अँड्रॉईड आणि आयओएस अ‍ॅप्ससाठी 8 युरो (सुमारे 705 रुपये) एवढे चार्जेस असणार आहेत.
हे प्लॅन सध्या युरोपियन युनियन, युरोपियन इकॉनॉमिक भाग आणि स्वित्झर्लँडमधील यूजर्ससाठी उपलब्ध करुन देण्यात आलेले आहेत. भारतात किंवा इतर देशांमध्ये हे कधी उपलब्ध होतील, याबाबत अद्याप कोणतीही माहिती समोर आलेली नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
