Vehicle Care in Monsoon : पावसाळ्यात अशी घ्या तुमच्या वाहनांची काळजी! टळेल अपघाताचा धोका अन् गाडी राहील एकदम टकाटक

Monsoon Tech Tips : पावसाळा हा ऋतु जरी गारवा देणारा,मनोरंजक असला तरी, वाहन चालकांसाठी अनेक आव्हाने घेऊन येतो. रस्ते खराब होतात, दृश्यमानता कमी होते आणि अपघाताचा धोका वाढतो. त्यामुळे, पावसाळ्यात तुमच्या दुचाकी आणि चारचाकी वाहनांची काळजी घेणं गरजेचं आहे.

दुचाकीसाठी टिप्स

टायरमध्ये हवा पुरेशी आहे याची खात्री करा. टायरचा गोंद चांगला आहे आणि खराब झालेला नाही याचीही तपासणी करा.पावसात ब्रेक खराब होणं धोकादायक ठरू शकतं. त्यामुळे, ब्रेकची नियमित तपासणी करून घ्या आणि ते योग्यरित्या काम करत आहेत याची खात्री करा.

पावसात दृश्यमानता कमी असते. त्यामुळे, हेडलाइट, टेललाइट आणि इंडिकेटर चांगल्या स्थितीत आहेत याची खात्री करा.तुमचं वाहन पाण्यापासून वाचवण्यासाठी प्लास्टिक कव्हरचा वापर करा.पावसात गाडी चालवताना वेग कमी ठेवा आणि मागच्या वाहनापासून पुरेसे अंतर राखा.

चारचाकी वाहनासाठी टिप्स

वाईपर ब्लेड चांगल्या स्थितीत आहेत याची खात्री करा आणि ते खराब झालेले असल्यास बदलून घ्या.पावसात इंजिनमध्ये पाणी जाण्याची शक्यता असते. त्यामुळे, इंजिनची नियमित तपासणी करून घ्या आणि ते योग्यरित्या कार्य करत आहे याची खात्री करा.बॅटरी चांगल्या स्थितीत आहे याची खात्री करा.

तुमचं वाहन पाण्यापासून वाचवण्यासाठी प्लास्टिक कव्हरचा वापर करा.ड्रायव्हिंगची काळजी घ्या.पावसात गाडी चालवताना वेग कमी ठेवा आणि मागच्या वाहनापासून पुरेसे अंतर ठेवा.

या टिप्सबरोबर, तुम्ही खालील गोष्टींचीही काळजी घ्या.त्यामध्ये पहिली गोष्ट म्हणजे वाहनाचा विमा करा. अपघाताच्या प्रकरणात विमा तुम्हाला आर्थिक मदत करू शकेल.वाहनात प्राथमिक उपचार किट ठेवा.आपत्कालीन संपर्क क्रमांक जवळ ठेवा.पावसाळ्यात थोडी काळजी घेतल्यास तुम्ही तुमचं वाहन आणि स्वतःला सुरक्षित ठेवू शकता.