तंत्रज्ञान क्षेत्रातील सर्वात मोठे व्यवहार; कोणत्या कंपनीची कितीला विक्री ?

मुंबई : छोट्या माशांना खाऊन मोठे मासे जगतात, ही म्हण तुम्हाला माहितीच असेल. त्याचप्रमाणे व्यावसायिक क्षेत्रातही मोठ्या कंपन्या लहान कंपन्यांना आपल्यात विलीन करून घेतात. तंत्रज्ञान क्षेत्रात तर अशा घटना अनेकदा घडतात.

Tesla आणि SpaceX यांसारख्या मोठ्या कंपन्यांचे मालक Elon Musk यांनी Twitterला ४४ दशलक्ष डॉलरला खरेदी केले आहे. यानिमित्ताने तंत्रज्ञान क्षेत्रातील काही मोठ्या अधिग्रहणांबद्दल (Biggest Acquisitions in History) जाणून घेऊ या.

इन्स्टाग्राम

फेसबूक हे जगातील सर्वाधिक वापरले जाणारे समाजमाध्यम व्यासपीठ आहे. फेसबूकने २०१२ साली इन्स्टाग्रामला १ अब्ज डॉलरला खरेदी केली होतो. म्हणजेच ७६ अब्ज ५६ कोटी ९१ लाख ५० हजार रुपयांना हा व्यवहार झाला होता.

टम्बलर

Tumblr हे समाजमाध्यम संकेतस्थळ Yahoo!ने २०१३ साली १.१ अब्ज डॉलरमध्ये म्हणजेच ८४ अब्ज २१ कोटी ६१ लाख ६५ हजार रुपयांना खरेदी केले होते.

क्वेस्ट सॉफ्टवेअर

क्वेस्ट सॉफ्टवेअर या सॉफ्टवेअर कंपनीला Dellने २०१२ साली २.४ अब्ज डॉलर म्हणजेच १८३ अब्ज ८३ कोटी ४१ लाख २० हजार रुपयांना खरेदी केले होते.

नोकिया

टेलीकम्युनिकेशन कंपनी Nokia च्या मोबाइल फोन युनिटला Microsoft ने २०१४ साली ७.२ अब्ज डॉलर म्हणजेच ५५१ अब्ज ८४ कोटी ७६ लाख रुपयांना खरेदी केले होते.

स्काइप

मायक्रोसॉफ्टने स्काइपला २०११ साली ८.५ अब्ज डॉलरना म्हणजे ६५१ अब्ज १४ कोटी २५ लाख रुपयांना खरेदी केले होते.

मोटोरोला मोबीलिटी

Google ने Motorola Mobilityला १२.५ अब्ज डॉलरना खरेदी केले.

व्हॉट्सअॅप

फेसबूकने व्हॉट्सअॅपला २०१४ साली खरेदी केले. हा व्यवहार १९ अब्ज डॉलर म्हणजेच १ हजार ४५६ अब्ज ६५ कोटी ३० लाख ५० हजार रुपयांना झाला.

Red Hat

Red Hat सॉफ्टवेअर कंपनीला IBMने २०१९ साली ३४ अब्ज डॉलर म्हणजेच २ हजार ६०५ अब्ज ३५ कोटी ३७ लाख रुपयांना खरेदी केले होते.

EMC

२०१५ साली संगणक निर्मिती कंपनी डेलने स्टोरेज कंपनी ईएमसीला ६७ अब्ज डॉलरना म्हणजेच ५ हजार १३२ अब्ज ५९ कोटी ८६ लाख ५० हजार रुपयांना खरेदी केले.