Cyber Fraud : डेटिंग अ‍ॅपवरून ओळख, गिफ्टच्या मोहात गमावले लाखो रुपये!

Social Media Fraud : हल्ली ऑनलाईन फसवणूक, सोशल मीडिया वरून फसवणुकीचे प्रकार सतत घडत आहेत. अश्यातच मुंबईच्या चर्चगेट परिसरात राहणाऱ्या ४६ वर्षीय योगा शिक्षिकेची ऑनलाइन फसवणूक झाली आहे. त्यांची एका व्यक्तीशी डेटिंग अ‍ॅपवरून ओळख झाली. या ओळखीचा फायदा घेत त्या व्यक्तीने शिक्षिकेची ₹३.३६ लाख इतकी रक्कम फसवून घेतल्याची घटना समोर आली आहे.

पीडित महिलेने दिलेल्या माहितीनुसार, त्यांची Tinder नावाच्या डेटिंग अ‍ॅपवरून "अमित कुमार" नावाच्या व्यक्तीशी ओळख झाली. अमित कुमार हा इंग्लंडमधील मँचेस्टरमध्ये राहणारा डॉक्टर असल्याचे सांगत होता. दोघांमध्ये काही दिवसांपासून चॅटिंग सुरू झाली. त्यानंतर फोन नंबरची देवाणघेवाण झाली आणि व्हॉट्सॲपवरूनही बोलणे सुरू झाले.

एप्रिल २५ रोजी अमित कुमार याने महिलेला सांगितले की, त्यांनी त्यांच्यासाठी एक गिफ्ट पाठवली आहे. ही गिफ्ट घेण्यासाठी त्यांना कोरियर कंपनीशी संपर्क साधावयास सांगण्यात आले. काही दिवसांनी दिल्लीस्थित कोरियर कंपनीतून फोन आला. त्यांनी सांगितले की, तुमच्यासाठी मँचेस्टरमधून गिफ्ट आली आहे. मात्र, ही गिफ्ट पाठवण्याच्या formalities पूर्ण करण्यासाठी काही रक्कम द्यावी लागेल, असे सांगण्यात आले. या विश्वासावरून त्यांनी सांगितलेल्या वेगवेगळ्या खात्यांमध्ये तब्बेत ₹३.३६ लाख जमा केले.

परंतु, बराच वेळ गेला तरी गिफ्ट आली नाही. यानंतर फसवणूक झाल्याचे लक्षात येऊन त्यांनी मरीन ड्राइव्ह पोलीस स्टेशनमध्ये फसवणुकीची तक्रार दाखल केली. पोलिसांनी गुन्हा दाखल करून तपास सुरू केली आहे.