Smartphone Tips : स्मार्टफोन विकण्यापूर्वी नक्की करा 'ही' कामे; अन्यथा साडेसाती मागे लागलीच म्हणून समजा

Smartphone Selling Tips : आजकाल दर आठवल्याचा किमान एक तरी नवीन स्मार्टफोन लाँच होताना दिसत आहे. वारंवार नवीन फोन वापरायचा असेल, तर जुना फोन एक्सचेंजमध्ये किंवा विकणे हा चांगला पर्याय आहे. तुम्हीदेखील आपला स्मार्टफोन विकून नवीन फोन घेण्याचा विचार करत असाल, तर काही गोष्टींची खबरदारी घेणं गरजेचं आहे.

अ‍ॅपलने नुकत्याच प्रसिद्ध केलेल्या एका रिपोर्टमध्ये असं स्पष्ट झालं आहे, की गेल्या दोन वर्षांमध्ये जगातील तब्बल 260 कोटी लोकांचा डेटा लीक झाला आहे. ऑनलाईन हॅकिंग आणि इतर गोष्टींसोबतच, जुन्या स्मार्टफोनमधून डेटा लीक होण्याचं प्रमाण भरपूर आहे. जुन्या फोनमधून खासगी फोटो, व्हिडिओ, मेसेज किंवा अन्य गोष्टी चोरी होण्याचा धोका असतो. त्यामुळे स्मार्टफोन विकण्यापूर्वी काही गोष्टी करणं आवश्यक आहे.

कॉल रेकॉर्ड आणि मेसेजेस

आपला स्मार्टफोन विकण्यापूर्वी त्यामधून तुमचे सर्व मेसेज आणि कॉल रेकॉर्ड डिलीट करा.

डेटा बॅकअप

तुमचे फोटो, व्हिडिओ, डॉक्युमेंट्स अशा गोष्टींचा बॅकअप घेण्यासाठी क्लाऊड स्टोरेजची मदत घेऊ शकता. यासाठी गुगल ड्राईव्ह, गुगल फोटोज, ड्रॉपबॉक्स अशा काही सेवांची मदत तुम्ही घेऊ शकता. (Tech News)

लॉगआऊट

एक-एक करून गोष्टी डिलीट करण्यापेक्षा थेट फोनच रिसेट करण्याचा पर्याय तुम्ही वापरू शकता. मात्र, त्यापूर्वी काही गोष्टी करणं गरजेचं आहे. यातील पहिली गोष्ट म्हणजे, सर्व सोशल मीडिया अ‍ॅप्समधून लॉगआऊट करा.

सोबतच, गुगल अकाउंटमधूनही लॉगआऊट करा. तसंच, पेमेंट अ‍ॅप्स आणि इतर महत्त्वाचे अ‍ॅप्स अनइन्स्टॉल करून त्यांचा डेटा फोनमधून डिलीट करणंही गरजेचं आहे.