MPSC करणाऱ्या विद्यार्थ्यांचा संघर्ष लवकरच दिसणार पडद्यावर

MPSC करणारे विद्यार्थी म्हणलं की आठवते ती पुण्यातील नवी पेठ आणि क्लासेस, लायब्ररीत असणाऱ्या मुलामुलींचा लोंढा. जिल्हाधिकारी, तहसीलदार, तलाठी, पोलीस अधिकारी बनण्याचे स्वप्न उराशी बाळगून कौटुंबिक, सामाजिक आणि आर्थिक अशा कित्येक अडचणींचा सामना करत पुण्यामुंबई सारख्या शहरात खेड्यातील विद्यार्थी आपले स्वप्न पूर्ण करण्यासाठी येतात.

काही विद्यार्थी वयाची तीशी ओलांडली तरीही प्रयत्न सोडत नाहीत. अशातचं आरोग्य भरतीच्या परिक्षेतील झालेल्या गोंधळासारखा घोटाळा होऊन सरकार विद्यार्थांच्या भावनांशी खेळतयं का? असे प्रश्न निर्माण होतात पण आतापर्यंत या विद्यार्थांच्या प्रश्नावर कुणीच का बोलत नसावं?

याच MPSC करणाऱ्या विद्यार्थांच्या प्रश्नावर भाष्य करणारा 'MPSC...The Struggle'हा चित्रपट लवकरच आपल्या भेटीला येणार आहे. द ग्रिन इंडीया प्रा. लि.च्या बॅनरखाली सचिन डोईफोडे, सतिश सांडभोर व योगेश राजपूत यांनी हा चित्रपटाची निर्मीती केली असून सचिन डोईफोडे यांनी या चित्रपटाचे लेखन व दिग्दर्शन केले आहे. कोरोनासंदर्भातील सर्व नियमांचे काटेकोरपणे पालन करत 'MPSC...TheStruggle चित्रपटाचे 'चित्रीकरण यशस्वीपणे पूर्ण करण्यात आल्याची माहिती दिग्दर्शक सचिन डोईफोडे आणि सतिश सांडभोर यांनी दिली आहे. या चित्रपटात प्रमुख भुमिका करमाळ्याचे गणेश मोरे यांची असून सोबत लातुरची प्रणिता शिंदे यांनी नायिकेचे काम केले आहे.

महाराष्ट्रातील आजकालच्या तरूण पिढीला स्पर्धा परिक्षा देताना खुप अडचणी येतात. या सर्व विषयावर भर देण्याच काम या चित्रपटात केले आहे. लवकरच हा चित्रपट आपल्या जवळच्या चित्रपटगृहात पाहायला मिळणार आहे. सचिन बन्सीधर डोईफोडे यांचा 'झाड' नंतर हा दूसरा चित्रपट असल्याचे त्यांनी सांगितले.