सोनीने आपल्या सर्वात जास्त खपाच्या गेमिंग कन्सोलचं नवीन व्हर्जन समोर आणलं आहे. प्लेस्टेशन-5 डिजिटल एडिशन असं या कन्सोलचं नाव आहे. हे PS5 चं आणखी स्लिम आणि अ‍ॅडव्हान्स व्हर्जन असल्याचं सांगण्यात येत आहे.
नवीन PS5 हे अधिक स्लिम आहे. जुन्या PS5 च्या तुलनेत हा 30 टक्के कमी जागा व्यापत असल्याचं कंपनीने सांगितलं आहे. आकार कमी झाला असला, तरी त्याची स्टोरेज कपॅसिटी वाढवण्यात आली आहे. जुन्या PS5 मध्ये 825GB ऑन-बोर्ड स्टोरेज होतं, तर डिजिटल एडिशनमध्ये 1TB ऑन-बोर्ड स्टोरेज देण्यात आलं आहे.
PS5 Digital Edition कन्सोल हे नोव्हेंबरपासून अमेरिकेत उपलब्ध होणार आहेत. तर, पुढे टप्प्या-टप्प्याने ते जगभरात उपलब्ध होतील असं कंपनीने स्पष्ट केलं. स्टँडर्ड मॉडेलची किंमत अमेरिकेत 499.99 डॉलर्स एवढी आहे. तर डिजिटल एडिशनची किंमत 449.99 डॉलर्सना एवढी आहे. (Gaming News)
खरंतर डिजिटल एडिशन मॉडेल हे सुमारे 50 डॉलर्सने स्वस्त आहे. मात्र, त्यामध्ये डिस्क ड्राइव्ह देण्यात आलेली नाही. यूजर्सना डिस्क ड्राइव्ह हवी असल्यास ती 79.99 डॉलर्स किंमतीला वेगळी विकत मिळेल. यासोबतच डिजिटल एडिशनसाठी कॉम्पॅटिबल असणारं व्हर्टिकल स्टँड हेदेखील 29.99 डॉलर्स किंमतीला वेगळं विकत घ्यावं लागणार आहे. त्यामुळे यूजर्सचा खर्च वाढणार असल्याचं म्हटलं जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
