AIIMS Ransomware Attack: देशातील प्रमुख हॉस्पिटलपैकी एक असलेल्या दिल्ली येथील AIIMS वर काही दिवसांपूर्वी सायबर हल्ला झाला होता. या सायबर हल्ल्याबाबत आता मोठा खुलासा झाला आहे. केंद्रीय कुटुंब कल्याण आणि आरोग्य मंत्रालयाच्या एका अधिकाऱ्याने दिलेल्या माहितीनुसार, AIIMS च्या सर्व्हरवर झालेल्या सायबर हल्ल्यामागे चीनचा हात आहे.
रिपोर्टनुसार, AIIMS वर सायबर अटॅक चीनकडून करण्यात आला आहे. सायबर हल्ल्यामागील हॅकर्सचा शोध घेताना IP अ‍ॅड्रेस चीनचा असल्याचे आढळले. हॅकर्सने AIIMS च्या १०० सर्व्हरपैकी ५ ला हॅक केले होते. या पाचही सर्व्हरचा डेटा परत मिळवण्यास यश आले आहे.
हेही वाचा : प्राप्तिकर- कशाने मिळेल सूट, कशावर भरावा लागेल कर....
AIIMS च्या सर्व्हरवर २३ नोव्हेंबरवर सायबर अटॅक झाला होता. हा सायबर हल्ला हाँगकाँगच्या दोन मेल आयडीद्वारे करण्यात आला होता. दिल्ली पोलिसांच्या स्पेशल सेलचे इंटेलिजेंस फ्यूजन स्टॅटिक ऑपरेशन्स याचा तपास करत आहे. ईमेलचा IP अ‍ॅड्रेस हाँगकाँगचा असल्याने यामागे चीन असल्याचे सांगितले जात आहे.
सायबर हल्ल्यामागील मुख्य मेल आयपी अ‍ॅड्रेस 146.196.54.222 आहे. दिल्ली पोलिसांद्वारे परराष्ट्र मंत्रालयाला याबाबत माहिती देण्यात आली आहे. दरम्यान, AIIMS च्या सर्व्हरवर मागील महिन्यात मोठे सायबर हल्ले झाले होते. यामुळे सर्व्हर डाउन झाले होते. याचा फटका अनेक सेवांना बसला होता. हॅकर्सने क्रिप्टोकरन्सीच्या माध्यमातून २०० कोटी रुपयांची मागणी केली होती. मात्र, हॅकर्सने अशी कोणतीच मागणी केली नसल्याचे पोलिसांनी म्हटले होते.
AIIMS च्या सर्व्हरवर अनेक VVIP लोकांचा डेटा उपलब्ध आहे. यामध्ये माजी पंतप्रधान, मंत्री, अधिकारी आणि व्हीआयपी व्यक्तींचा समावेश आहे. या लोकांची माहिती चोरी करण्यासाठी हा हल्ला करण्यात आल्याचे सांगितले जात आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
