Reliance Jio Mobile Recharge: टेलिकॉम कंपनी रिलायन्स जिओ यूजर्ससाठी कमी किंमतीत जास्त बेनिफिट्स देणारे प्लॅन्स लाँच करत असते. कंपनीकडे प्रत्येक यूजर्सच्या गरजेनुसार प्लॅन्स उपलब्ध आहेत. तुम्ही जर १०० रुपयांपेक्षा कमी किंमतीत येणारे प्लॅन्स शोधत असाल तर जिओकडे अनेक चांगले रिचार्ज प्लॅन्स उपलब्ध आहेत. या प्लॅन्सविषयी सविस्तर जाणून घेऊया.
जिओचा १५ रुपयांचा रिचार्ज प्लॅन
Jio कडे अवघ्या १५ रुपयांचा रिचार्ज प्लॅन उपलब्ध आहे. तुम्ही जर दररोज जास्त डेटा वापरत असाल तर हा प्लॅन तुमच्या उपयोगी येईल. तुमच्या नियमित प्लॅनमध्ये येणारा १ जीबी, १.५ जीबी आणि २ जीबी डेटा समाप्त झाल्यास १५ रुपयांच्या प्लॅनचा फायदा घेऊ शकता. या डेटा अ‍ॅड ऑन प्लॅनमध्ये तुम्हाला १ जीबी डेटा मिळेल. याची वैधता तुमच्या नियमित प्लॅन एवढी असेल. मात्र, लक्षात घ्या की यामध्ये मेसेज आणि कॉलिंगची सुविधा मिळत नाही.
जिओचा ७५ रुपयांचा रिचार्ज प्लॅन
जिओकडे ७५ रुपयांचा स्वस्त प्लॅन उपलब्ध असून, यात डेटा-कॉलिंगचा फायदा मिळेल. जिओच्या ७५ रुपयांच्या प्लॅनची वैधता २३ दिवस आहे. प्लॅनमध्ये तुम्हाला दररोज १०० एमबी डेटा दिला जातो. तसेच, अतिरिक्त २०० एमबी डेटाचा देखील फायदा मिळेल. प्लॅनमध्ये डेटा समाप्त झाल्यास ६४ केबीपीएसच्या स्पीडने इंटरनेट वापरू शकता.
या रिचार्जमध्ये देशभरात सर्व नेटवर्कवर अनलिमिटेड वॉइस कॉलिंग आणि ५० एसएमएसची सुविधा दिली जाते. इतर बेनिफिट्सबद्दल सांगायचे तर यामध्ये जिओ टीव्ही, जिओ सिनेमा, जिओ क्लाउड आणि जिओ सिक्योरिटीचे फ्री सबस्क्रिप्शन मिळेल. परंतु, लक्षात घ्या की हा केवळ जिओफोन प्लॅन आहे. म्हणजेच, तुमच्याकडे केवळ जिओफोन असल्यावरच या प्लॅनचा फायदा घेऊ शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
