संपूर्ण भारतात 75व्या प्रजासत्ताक दिनाचा उत्साह दिसून येत आहे. दिल्लीमध्ये कर्तव्यपथावर काही वेळापूर्वीच सर्व राज्यांच्या आणि मंत्रालयांच्या चित्ररथांची परेड पार पडली. यावेळी भारतीय अंतराळ संशोधन संस्था, म्हणजेच इस्रोच्या चित्ररथाने सर्वांचं लक्ष आपल्याकडे वेधून घेतलं. इस्रोने 'चांद्रयान-3'च्या सॉफ्ट लँडिंगचा देखावा सादर केला.
इस्रोने गेल्या वर्षी चांद्रयान-3 मोहिमेच्या माध्यमातून इतिहास रचला होता. चंद्राच्या दक्षिण ध्रुवाजवळ सॉफ्ट लँडिंग करणारा भारत हा पहिलाच देश ठरला होता. इस्रोचा चित्ररथ पाहून या ऐतिहासिक क्षणाची आठवण आज पुन्हा एकदा सर्व भारतीयांना झाली.
इस्रोच्या चित्ररथामध्ये समोर पीएसएलव्ही रॉकेटची एक प्रतिकृती पहायला मिळत आहे. PSLV हे भारताचं सगळ्यात विश्वासार्ह रॉकेट आहे. यासोबतच मागच्या बाजूला चांद्रयान-3 ची एक प्रतिकृती पहायला मिळत आहे. चांद्रयानाची ही प्रतिकृती चंद्रावर उतरलेली दाखवली आहे. यासोबतच या चित्ररथावर महिला वैज्ञानिक देखील पहायला मिळत आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.