Salman Khan Bulletproof SUV Car Features : बॉलीवूड सुपरस्टार सलमान खानला लॉरेन्स बिश्नोई टोळीने पुन्हा एकदा जीव घेण्याची धमकी दिल्यानंतर त्याची सुरक्षा वाढवण्यात आली आहे. सलमान खानने आपल्या सुरक्षेसाठी दोन कोटींची बुलेटप्रूफ कार आयात केली आहे. सलमानसाठी ही खास कार दुबईमधून आयात करण्यात आली असून, ती भारतीय बाजारपेठेत उपलब्ध नाही.
ही बुलेटप्रूफ कार अनेक वैशिष्ट्यांनी सज्ज आहे. विशेष प्रकारच्या काचेने तयार केलेल्या या कारमध्ये जवळून गोळी झाडली तरी आतल्या व्यक्तीला काहीही होणार नाही. याशिवाय, या वाहनात स्फोटक ओळखणारी प्रणालीही बसवण्यात आली आहे, जी धोका ओळखून लगेचच इशारा देते. या कारचा रंगही विशेष आहे, त्यामुळे आत कोण बसले आहे, हे ओळखणे अवघड होते.(salman khan bulletproof suv car)
गेल्या वर्षी देखील सलमानने आपल्यासाठी आणि वडिलांसाठी बुलेटप्रूफ कार आयात केली होती. यावेळी मात्र त्याच्यावर वाढत्या धोक्याच्या पार्श्वभूमीवर अधिक सुरक्षिततेची गरज होती. बिग बॉसच्या शुटिंगसाठीही कडक सुरक्षा उपाययोजना करण्यात आल्या आहेत, जिथे सलमान सूत्रसंचालन करत आहे.(salman khan bullet proof car)
बिग बॉसच्या शुटिंगदरम्यान सुमारे ७० सुरक्षा कर्मचारी तैनात करण्यात आले आहेत. या ठिकाणी कडक नियम लागू करण्यात आले आहेत, जेणेकरून कुठलाही अनुचित प्रकार घडू नये. शुटिंगच्या ठिकाणी बाहेरील कोणालाही प्रवेश दिला जात नाही.
लॉरेन्स बिश्नोई टोळीने सलमानला ५ कोटी रुपये न दिल्यास, त्यांची जुनी शत्रुता संपवू असा इशारा दिला आहे. काही दिवसांपूर्वी राजकीय नेते बाबा सिद्दीकी यांच्या हत्येनंतर ही धमकी आली, जे सलमानचे खास मित्र होते.
यामुळे सलमानच्या सुरक्षा व्यवस्थेत मोठी वाढ करण्यात आली असून, त्याच्यावर नजर ठेवण्यासाठी विशेष पथके कार्यरत आहेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
