सॅमसंग गॅलॅक्‍सी A13 5G स्मार्टफोन 6.48 इंचाच्या फुल-एचडी + एलसीडी डिस्प्लेसह सादर केला जाऊ शकतो. साइड-माउंट फिंगरप्रिंट सेन्सरसाठी सपोर्ट असेल.
सॅमसंगचा सर्वांत स्वस्त 5G स्मार्टफोन Galaxy A13 ची प्रतीक्षा सुरूच आहे. अजून तरी Galaxy A13 5G च्या लॉंच डेटचा खुलासा झालेला नाही. पण लॉंच होण्यापूर्वी Galaxy A13 स्मार्टफोनची किंमत आणि स्पेसिफिकेशन्स मात्र समोर आले आहे. लीक झालेल्या रिपोर्टनुसार, Galaxy A13 मध्ये 50MP ट्रिपल रियर कॅमेरा सेटअप देण्यात येईल. यामध्ये Mediatek Dimensity 700 5G हा प्रोसेसर म्हणून वापरला जाईल. फोनचा टॉप व्हेरिएंट 8GB रॅम आणि 128GB स्टोअरेजसह दिला जाऊ शकतो. तसेच, याला पॉकेट फ्रेंडली बनवण्यासाठी 4GB RAM + 64GB स्टोअरेज आणि 6GB RAM + 128GB स्टोअरेज पर्यायामध्ये लॉंच केले जाऊ शकते.
5G स्मार्टफोन Galaxy A13 ची संभाव्य किंमत
गीकबेंच वेबसाइटच्या सूचीनुसार, त्याच्या बेस व्हेरिएंटची किंमत सुमारे 15,000 रुपये असेल. मात्र, दुसऱ्या रिपोर्टमध्ये दावा करण्यात आला आहे, की Samsung Galaxy A13 5G सुमारे 18,600 रुपयांमध्ये लॉंच केला जाऊ शकतो.
संभाव्य स्पेसिफिकेशन्स
Samsung Galaxy A13 5G स्मार्टफोन 6.48 इंचाच्या फुल-एचडी + एलसीडी डिस्प्लेसह सादर केला जाऊ शकतो. साइड-माउंट फिंगरप्रिंट सेन्सरसाठी सपोर्ट असेल. फोन Mediatek Dimensity 700 5G सपोर्टसह येईल. Samsung Galaxy A13 5G स्मार्टफोन Android 11 आधारित ऑपरेटिंग सिस्टीमवर काम करेल. फोटोग्राफीबद्दल बोलायचे झाले, तर Samsung Galaxy A13 5G स्मार्टफोनला 50MP ट्रिपल रियर कॅमेरा सेटअप मिळेल. त्याचा प्राथमिक कॅमेरा 50MP चा असेल. याशिवाय, 5MP अल्ट्रा-वाइड सेन्सर आणि 2MP डेप्थ सेन्सरचा सपोर्ट असेल. Samsung Galaxy A13 5G स्मार्टफोनमध्ये 5,000mAh बॅटरी दिली जाऊ शकते, ज्याला 25 वॉट फास्ट चार्जिंग सपोर्ट मिळेल.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
