NASA : अंतराळातील आंतरराष्ट्रीय अंतराळ स्थानकातून (ISS) पृथ्वीवर परती होत नसल्याने अडकलेल्या नासाच्या अंतराळवीरांसाठी काल एक थरारक क्षण आला. अमेरिकेच्या अंतराळ संशोधन संस्था NASAच्या सुचनेनुसार बुधवारी रात्री एका तुटलेल्या उपग्रहामुळे अवकाश कचऱ्याचा धोका निर्माण झाला. यामुळे अंतराळात असणाऱ्या असलेल्या भारतीय वंशाच्या अमेरिकन अंतराळवीर सुनीता विल्यम्स आणि बुच विल्मोर यांना तात्काळ संरक्षण कक्षेत (Starliner spacecraft) जाण्याचे आदेश देण्यात आले.
हेल्मेटच्या आकाराच्या या संरक्षण कक्षेत अंतराळवीरांनी जवळपास एक तास घालवला. अवकाश कचऱ्याची दिशा आणि वेग यांची माहिती मिळाल्यानंतर धोका टळल्याचे स्पष्ट झाल्यावर अंतराळवीरांना पुन्हा स्थानकात परतण्यास परवानगी देण्यात आली.
या घटनेमुळे अंतराळातील कचऱ्याच्या वाढत्या समस्या आणि अंतराळ मोहिमांमध्ये सुरक्षा नियमावलींचे महत्त्व अधोरेखित झाले आहे. त्याचबरोबर, बोइंगच्या स्टारलाइनर या अंतराळयानाचीही क्षमता या घटनेमुळे समोर आली आहे. अंतराळ स्थानकात येऊन येणाऱ्या अंतराळयानांसाठी आपत्कालीन परिस्थितींमध्ये जीवनरक्षक म्हणून भूमिका बजावण्याची क्षमता या अंतराळयानात असल्याचे या घटनेमुळे सिद्ध झाले आहे.
दरम्यान, सुनीता विल्यम्स आणि बुच विल्मोर यांचे पृथ्वीवरील नियोजित अवतरण तांत्रिक अडचणींमुळे आधीच लांबणीवर गेले आहे. आठ दिवसांच्या मोहिमेसाठी अंतराळात गेलेले हे अंतराळवीर आता तीन आठवड्यांहून अधिक काळ अंतराळात आहेत. स्टारलाइनर या अंतराळयानात आढळून आलेल्या हेलियम गळती आणि इंजिनच्या समस्यांवर नासा आणि बोइंग काम करत आहेत.
ही आव्हाने असूनही, सुनीता आणि बुच यांना सुरक्षितपणे पृथ्वीवर परत आणण्याची क्षमता स्टारलाइनरमध्ये आहे असे नासाने स्पष्ट केले आहे. अंतराळातील मोहिमांमध्ये वाढ होत असताना अवकाशातील कचऱ्याचे व्यवस्थापन हे जगभरातील अंतराळ संस्थांसाठी चिंतेचा विषय बनले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
