Smartphone Theft : सध्या मोबाईल ही सर्वांची गरज बनली आहे. बरीचशी कामे फोनवरूनच होतात. मग ते ऑनलाइन किंवा ऑफलाइन शॉपिंगमध्ये पेमेंट करणे असो किंवा कोणताही व्यवहार करणे असो. अशा परिस्थितीत, UPI म्हणजेच युनिफाइड पेमेंट इंटरफेस हा सर्वांच्या आयुष्यात एक आवश्यक भाग बनला आहे. अशा परिस्थितीत तुमचा फोन हरवला किंवा चोरीला गेला तर तुम्ही काय कराल ?
तुमचा UPI चोराच्या हाती लागला तर तुमचे संपूर्ण बँक अकाऊंट काही मिनिटांतच साफ होऊन जाईल. म्हणूनच तुमचा मोबाईल हरवल्यास तुम्हाला मोठ्या नुकसानाला सामोरे जावे लागू शकते. अशी वेळ आली तर तुमच्या बँक खात्यातून UPI डिसेबल करण्यासाठी या स्टेप फॉलो करा.
UPI आता इंटरनॅशनल (UPI International) झाले आहे. भारताच्या UPI आणि सिंगापूरच्या Penau च्या लिंकनंतर आता युजर्स भारतातून सिंगापूरला मोबाईल नंबरद्वारे पैशांचा व्यवहार करू शकतात.
बँक खात्यातून UPI पेमेंट डिसेबल करा
1. तुम्हाला तुमच्या बँक खात्यावर UPI डिसेबल करायचा असेल, तर लक्षात ठेवा की आपला UPI पिन कोणाशीही शेअर करू नये.
2. UPI पेमेंट डिसेबल करण्यासाठी, प्रथम तुमच्या मोबाइल सेवा प्रदात्याशी संपर्क साधा आणि तुमचे सिम ब्लॉक करा. या प्रकरणात, मोबाइल बँकिंगशी संबंधित कोणताही संदेश किंवा OTP चोर किंवा इतर कोणत्याही व्यक्तीकडून प्राप्त होणार नाही.
3. यानंतर, बँक खात्यातून UPI डिसेबल करण्यासाठी, पेटीएम, Google Pay, PhonePe, Amazon Pay इत्यादींसारख्या UPI अॅप्सच्या ग्राहक सेवांना कॉल करा आणि त्यांना त्वरित UPI सेवा बंद करण्याची विनंती करा.
4. हे केल्यानंतर, त्याच वेळी तुमचा मोबाइल चोरीसाठी एफआयआर नोंदवा. अशा स्थितीत तुमच्या मोबाईलवरून चुकीच्या गोष्टी होण्यापासून रोखले जाईल.
5. यासोबतच बँकेच्या कस्टमर केअरला फोन करून नेट बँकिंग आणि मोबाईल बँकिंग सेवा तात्काळ बंद करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
