तुम्हाला तुमच्या फेसबुक (Facebook) खात्यासाठी अधिक गोपनीयता हवी आहे का? तसे असल्यास, तुम्ही तुमचे प्रोफाइल लॉक करून तुमचे फेसबुक खाते अधिक खाजगी ठेवू शकता. तुमचे प्रोफाईल लॉक केल्यानं जे लोक तुमच्या फेसबुक मित्रांच्या यादीत नाहीत त्यांना प्रोफाइलचा मर्यादित भाग दिसेल. लॉक केलेल्या प्रोफाईल टाइमलाइनवरील फोटो आणि पोस्ट, प्रोफाइल पिक्चर आणि कव्हर फोटो, स्टोरी आणि नवीन पोस्ट फक्त फ्रेंड लिस्टमध्ये असलेल्या लोकांना दिसतील. तसेच, तुमच्या 'सार्वजनिक' पोस्ट यापुढे सार्वजनिक राहणार नाहीत आणि त्या फक्त मित्रांनाच दिसतील.
तुम्हाला तुमचे Facebook प्रोफाइल लॉक करायचे असल्यास, तुम्ही मोबाइल अ‍ॅपवरून किंवा तुमच्या ब्राउझरवरून ते करू शकता. हे लक्षात घेतले पाहिजे की फेसबुकच्या डेस्कटॉप आवृत्तीमध्ये आपले प्रोफाइल लॉक करण्याचा पर्याय नाही, परंतु एक उपाय आहे. तसेच, हे वैशिष्ट्य Android App पुरते मर्यादित आहे. तुम्ही तुमचे फेसबुक प्रोफाईल कसे लॉक करू शकता यासाठी खाली दिलेल्या स्टेप्स पहा. (Steps to lock Facebook Profile)
Facebook अ‍ॅप उघडा आणि तुमच्या प्रोफाइलवर टॅप करा.
Add to Story पुढील तीन-बिंदू असणाऱ्या मेनू चिन्हावर टॅप करा.
येथे, तुम्हाला Lock Profile पर्याय मिळेल, त्यावर टॅप करा.
पुढील पृष्ठ तुम्हाला Lock Your Profile पर्याय कसा कार्य करतो, याबद्दल थोडक्यात माहिती देईल, त्यावर टॅप करा.
तुम्हाला एक पॉप-अप दिसला पाहिजे ज्यामध्ये तुम्ही तुमचे प्रोफाइल लॉक (You Locked Your Profile) केले आहे, येथे ओके वर टॅप करा.
ब्राउझरवरून तुमचा अ‍ॅप लॉक करण्याचा कोणताही थेट मार्ग नसला तरी, तुमच्याकडे मोबाइल अ‍ॅप नसल्यास तुम्ही वापरू शकता:
https://www.facebook.com/ वर जा.
तुमच्या प्रोफाईल आयकॉनवर क्लिक करा आणि URL मध्ये 'www' च्या जागी 'm' टाका म्हणजे URL आता m.facebook.com/yourprofilename होईल.
हे तुम्हाला तुमच्या डेस्कटॉप ब्राउझरवरील Facebook च्या मोबाइल आवृत्तीवर घेऊन जाईल आणि तुम्हाला प्रोफाइल संपादित करा (Edit Profile) पर्यायाशेजारी तीन डॉट मेनू दिसेल.
थ्री-डॉट मेनूमध्ये, तुम्हाला लॉक प्रोफाइल (Lock Profile) पर्याय दिसेल, त्यावर क्लिक करा.
Android आवृत्ती प्रमाणेच, हे पुढील पृष्ठ तुम्हाला तळाशी लॉक युवर प्रोफाइल (Lock Your Profile) पर्यायासह लॉकिंग कसे कार्य करते हे दर्शवेल. त्यावर क्लिक करा.
तुमची प्रोफाइल आता लॉक झाली आहे.
iOS वापरकर्ते त्यांचे प्रोफाइल लॉक करण्यासाठी डेस्कटॉप वर्कअराउंड वापरू शकतात. किंवा Android डिव्हाइसची व्यवस्था करून, तुम्ही तुमचे प्रोफाइल लॉक करण्यासाठी दिलेल्या चरणांचे अनुसरण करू शकता.
तुम्हाला तुमचे Facebook प्रोफाईल अनलॉक करायचे असल्यास, मोबाइल अ‍ॅप आणि डेस्कटॉप दोन्हीवर पायऱ्या समान आहेत. Lock Profile पर्यायाऐवजी, तुम्हाला आता Unlock Profile पर्याय दिसेल, त्यावर टॅप करा आणि पुढील स्क्रीनवर अनलॉक दाबा. तुमचे प्रोफाईल अनलॉक कसे करायचे याबद्दल तुम्हाला थोडक्यात माहिती दिसेल आणि तळाशी तुम्हाला तुमचे प्रोफाईल अनलॉक करण्याचा पर्याय दिसेल, त्यावर क्लिक करा आणि तुमचे प्रोफाइल अनलॉक होईल
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
