टीव्ही रिमोटने बंद करत असाल तर... ही बातमी तुमच्यासाठी महत्त्वाची

भारतात अनेक घरांमध्ये टीव्ही आवर्जून पाहिला जातो. किंबहुना करमणुकीचं ते एक मोठे माध्यम आहे. मात्र टीव्ही (TV) बघितल्यानंतर तुम्ही तो कसा बंद करता यालाही महत्व आहे. कारण त्याच्या तुमच्या मासिक वीज बिलावर परिणाम होत असतो. पण तुम्हाला माहितेय का टीव्ही बघून झाल्यावर भारतातील जवळपास 70% कुटुंबं (Family) रिमोट कंट्रोलने टिव्ही बंद करतात. पण मुख्य स्विचवरून टीव्ही सेट बंद करत नाहीत त्यामुळे त्याचा मासिक बिलावर परिणाम होतोय.

रिमोटद्वारे बंद केलेले टीव्ही हे पूर्ण बंद होत नाहीत उलट ते वीज जाळतात. असे वाढणारे बिल घरगुती बजेटमध्ये विचारात घेतले जात नाही. त्यामुळे लोकांना काही टिप्स माहित असणे गरजेचे आहे. कारण त्यामुळे त्यांची वीज वाचविण्यात मदत होईल. महत्वाचे म्हणजे, इलेक्ट्रॉनिक वस्तू स्टँडबायवर ठेवू नयेत कारण ते सुप्त मोडवर चालू ठेवण्यासाठी प्लग सॉकेटमधून वीज वापरत असतात. म्हणजेच याचा अर्थ असा की, जेव्हा तुम्ही टीव्ही रिमोटने बंद करता तेव्हा तो पूर्णपणे बंद होत नाही. उलट टिव्ही चालूच राहून उर्जा अधिक वापरतो. परिणामी बटन चालू राहिल्याने वीजही चालू राहते. याविषयीने झी न्यूज हिंदीने अहवाल दिला आहे.

स्टँडबायवर टीव्ही किती वीज वापरतो?

स्टँडबायवर टीव्हीद्वारे किती वीज वापरली जाते हे त्याचे तंत्रज्ञान, मॉडेल, आकार तसेच कार्यक्षमता यावर अवलंबून असते. सर्व इलेक्ट्रॉनिक वस्तूंचे पॉवर रेटिंग असते. त्यानुसार ग्राहकांना गॅझेट कार्य करण्यासाठी किती वीज वापरेल, हे सांगितले जाते. हे रेटिंग साधारणपणे वॅट किंवा किलोवॅटमध्ये दिले जाते. तज्ञांच्या मते, स्टँडबायवर एक टीव्ही प्रति तास 10 वॅट्सपर्यंत वीजेचा वापर करू शकतो. हे तुमचा वैयक्तिक वापर, भौगोलिक स्थान यांसारख्या घटकांवर आधारित असून हे प्रमाण बदलूही शकते. टीव्हीला स्टँडबायवर ठेवून फक्त रिमोट कंट्रोलद्वारे बंद ठेवल्यामुळे तुमचे मासिक वीज बिल 100 रुपयांनी वाढू शकते. टीव्ही हा एअर कंडिशनर किंवा हीटर सारखे उपकरण नसल्यामुळे, हा अपव्यय मोठा होतो. त्यामुळे तुम्ही जर वर्षभराचे बील पाहिले तर तुमचा खर्च १२०० रूपये जास्त असल्याचे लक्षात येईल.