सेकंड हँड कार खरेदी करताय? या गोष्टी ठेवा लक्षात

भारतातील वापरलेल्या कारची बाजारपेठ मोठी आहे आणि त्यामध्ये दिवसेंदिवस वाढ होत आहे. दरम्यान वापरलेल्या कार विक्रेत्यांची संख्या देखील वाढत आहे. जर तुम्ही देखील वापरलेली कार खरेदी करण्याचा विचार करत असाल, तर अशी कार खरेदी करताना काही गोष्टी लक्षात घेणे गरजेचे आहे आज आपण त्यासाठी काही महत्त्वाच्या टिप्स जाणून घेणार आहेत.

तुमचे बजेट ठरवा

सध्या कोरोनामुळे सर्वांची बचत मोठ्या प्रमाणात कमी झाली आहे, तर घराच्या गरजाही पूर्ण कराव्या लागतात, त्यामुळे वापरलेली कार खरेदी करणे हा एक उत्तम पर्याय आहे. वापरलेली कार खरेदी करण्यापूर्वी, तुम्हाला तुमच्या बजेट रेंज किती आहे ते निश्चित करा, कारण जेव्हा तुमचे बजेट आधीच ठरलेले असते, तेव्हा तुम्ही कार खरेदी करताना मागेपुढे पाहत नाहीत. तुम्हाला माहित असेल की वापरलेली कार खरेदीसाठी किती बजेट आहे, तेव्हा तुम्हाला कार खरेदी करताना ते सोपे जाते.

तुम्हाला कोणत्या प्रकारची कार हवीय?

तुमच्या गरजेनुसार, तुम्ही ठरवू शकता की कोणत्या प्रकारची कार तुमच्यासाठी आणि तुमच्या कुटुंबासाठी फायदेशीर ठरू शकते. प्रथम तुम्हाला जी कार खरेदी करायची आहे ती निवडा मग ती एसयूव्ही असो की सेडान किंवा हॅचबॅक. एसयूव्हीसाठी सेडान किंवा हॅचबॅकपेक्षा जास्त किंमती द्यावी लागते. त्यामुळे तुम्हाला SUV साठी जास्त पैसे खर्च करावे लागतील.

बाजारात जाण्यापूर्वी...

ऑनलाइन रिसर्चद्वारे, तुम्ही तुम्हाला खरीदी करायची आहे त्या कारच्या फीचर्सबद्दल सहज माहिती घेऊ शकता, तसेच तिच्या सध्याच्या किंमतीची कल्पना देखील मिळवू शकाल. अनेक सेकंड-हँड कार डीलर्स ऑनलाइन देखील शोधता येता, ज्यांच्याकडे तुम्हाला चांगली डिल मिळू शकेल. त्याच वेळी, तुम्ही तुमच्या आवडत्या कारची तुलना इतर कारशी देखील करू शकता.

वापरलेली कार चेक करा

जेव्हा तुम्ही तुमची निवडलेली कार युज्ड कार मार्केटमधून किंवा ऑनलाइन मार्केटमधून खरेदी करण्यासाठी जाल तेव्हा कारची चांगली तपासणी करा. कारच्या बॉडीवर टच-अप, रीपेंट किंवा डेंट आहेत का हे तपासा. असे काही असेल तर त्याचा नापर वाहनांची किंमत कमी करण्यासाठी केला जाऊ शकतो. तसेच, कारचे टेक्निकल तपासण्यासाठी तुम्ही मेकॅनिकची मदत घेऊ शकता. तसेच टायर ट्रेड, बॅटरी लाइफ इत्यादी तपासून घ्या.