Tips to save Mobile Data: स्मार्टफोनचा वापर न करताही मोबाइल डेटा संपतो, अशी अनेकांची तक्रार करत असते. विशेष म्हणजे काँग्रेस खासदाराने देखील संसदेत हा प्रश्न उपस्थित केला. तुमचा मोबाइल डेटा देखील लवकर संपत असल्यास काळजी करू नका. आम्ही तुम्हाला फोनमध्ये उपलब्ध असलेल्या एका फीचरविषयी सांगणार आहोत, ज्याच्या मदतीने तुम्ही डेटाची बचत करू शकता.
आपण दिवस फोनचा वापर करत असतो. Instagram Reels आणि YouTube Short व्हीडिओमुळे देखील डेटा लवकर संपतो. अशावेळी हे फीचर तुमच्या खूपच उपयोगी येईल. या फीचरविषयी सविस्तर जाणून घेऊया.
हेही वाचा : प्राप्तिकर- कशाने मिळेल सूट, कशावर भरावा लागेल कर....
खूपच कामाचे आहे हे फीचर
अँड्राइड स्मार्टफोनमध्ये Data Saver Mode फीचर उपलब्ध आहे. या फीचरच्या मदतीने तुम्ही डेटाचा वापर कमी करू शकता. तुम्हाला सेटिंग्समध्ये एक छोटासा बदल करावा लागेल, ज्यामुळे डेटाचा जास्त वापर होणार नाही व तुमचा खर्चही वाचेल.
सेटिंग्समध्ये करा बदल
सर्वात प्रथम तुम्हाला अँड्राइड फोनच्या सेटिंग्समध्ये जावे लागेल.
येथे तुम्हाला SIM Card & Mobile Data चा पर्याय दिसेल. त्यावर क्लिक करा.
आता Data Usage या पर्यायावर जा.
येथे तुम्हाला Data Saving चा पर्याय दिसेल, त्यावर टॅप करा.
त्यानंतर डेटा सेव्हिंग मोड ऑन करा.
फीचरचे तोटे
तुम्ही डेटा सेव्हिंग फीचरला सहज बंद देखील करू शकता. या फीचरचे जसे काही फायदे आहेत, तसे काही तोटे देखील आहेत. या फीचरमुळे बॅकग्राउंड अ‍ॅप्स काम करणे बंद करतात. मात्र, यामुळे ऑटो अपडेटिंग अ‍ॅप्स आणि मोठ्या फाइल डाउनलोड होणार नाहीत. यामुळे डेटा सेव्हिंग होईल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
