Steam Free Games : जगप्रसिद्ध गेमिंग कंपनी 'स्टीम'ने सर्व गेमर्सना मोठी मेजवानी दिली आहे. काही दिवसांपूर्वीच आपली प्रसिद्ध हाफ-लाईफ ही गेम कंपनीने मोफत उपलब्ध करून दिली होती. यानंतर आता फ्री-गेम्सच्या यादीमध्ये कंपनीने आणखी सहा गेम्स उपलब्ध करून दिल्या आहेत.
विशेष म्हणजे, कंपनीने विविध प्रकारच्या गेम्स मोफत उपलब्ध करुन दिल्या आहेत. म्हणजेच, तुम्हाला ज्या जॉनरची गेम आवडते, त्यातील एक तरी गेम यामध्ये उपलब्ध असणारच आहे. स्टीमच्या या निर्णयामुळे गेमर्स नक्कीच खुश झाले आहेत. गेमिंग बायबल या वेबसाईटने याबाबतचं वृत्त प्रसिद्ध केलं आहे.
कंपनीने नव्याने उपलब्ध करुन दिलेल्या फ्री-गेम्समध्ये पुढील गेम्सचा समावेश आहे -
होराईझॉन (Horizon)
आर्चेरी शोडाऊन (Archery Showdown)
आय वाना मेकर (I wanna Maker)
ब्लॅक गनर (Black Gunner)
कार्ड्स अँड कासल्स 2 (Cards and Castles 2)
आलियाज अ‍ॅसेंट (Alia's Ascents)
यापूर्वी गेल्याच आठवड्यात कंपनीने आणखी सहा गेम्स मोफत उपलब्ध करून दिल्या होत्या. यामध्ये Tiki Tandems, Robocraft 2, Treachery in Beatdown City U.N. Trouble, Grapples Galore, Gatekeeper: Infinity आणि Vegas Infinite या गेम्सचा समावेश होता. यासोबतच कंपनीने आपली सर्वात प्रसिद्ध गेम Half-Life देखील ठराविक दिवसांपर्यंत मोफत उपलब्ध करुन दिली होती. (Gaming News)
स्टीमने नव्याने उपलब्ध करून दिलेल्या सर्व मोफत गेम्सना आतापर्यंत चांगले फीडबॅक मिळाले आहेत. अगदी लोकप्रिय आणि चांगला प्रतिसाद मिळालेल्या गेम्स मोफत उपलब्ध झाल्यामुळे जगभरातील गेमर्स आनंदात आहेत. हे अगदी अविश्वसनीय असल्याचं मत एका गेमरने व्यक्त केलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
