UPI Lite Payment PIN Free : डिजिटल पेमेंट अधिक सुलभ करण्यासाठी UPI Lite मध्ये नवे नियम लागू करण्यात आले आहेत, ज्यामुळे वापरकर्त्यांना छोटे पेमेंट करण्यासाठी आता पासवर्ड किंवा पिनची आवश्यकता राहणार नाही. 1 नोव्हेंबर 2024 पासून हे बदल लागू झाले आहेत. Google Pay, PhonePe आणि Paytm यांसारख्या लोकप्रिय पेमेंट अ‍ॅप्सवर UPI Lite द्वारे हे बदल अनुभवता येतील.
UPI Lite चे वापरकर्ते आता अधिक पेमेंट्स सहज करू शकणार आहेत. RBI ने UPI Lite च्या ट्रान्झॅक्शन लिमिटमध्ये वाढ केली असून, आता या फीचरचा वापर करून दररोज जास्तीत जास्त रक्कम हस्तांतरित करता येईल. UPI Lite मध्ये एक नवीन सुविधा म्हणजे ‘ऑटो-टॉप-अप,’ जी वापरकर्त्यांच्या खात्यातील एक विशिष्ट मर्यादा ओलांडल्यावर स्वत:हून वॉलेटमध्ये पैसे भरते. त्यामुळे वापरकर्त्यांना मधेच पैसे संपल्यास पेमेंटमध्ये अडथळा येणार नाही.
Google Pay, PhonePe, Paytm यांसारख्या UPI अ‍ॅप्सवर UPI Lite सुविधा उपलब्ध आहे, ज्याद्वारे छोटे व्यवहार पिनशिवाय करता येतात. वापरकर्ते आपले UPI Lite वॉलेट मॅन्युअली टॉप-अप करू शकतात, परंतु आता नवीन नियमांनुसार हे वॉलेट स्वयंचलित पद्धतीने टॉप-अप केले जाईल. NPCI ने ऑगस्ट 2024 मध्ये अधिकृत अधिसूचनेद्वारे ही सेवा घोषित केली होती. UPI Lite वॉलेटमध्ये एकावेळी जास्तीत जास्त 2000 रुपयांची मर्यादा आहे, त्यामुळे छोटे पेमेंट्स सहज करता येतील.
ऑटो-पे बॅलन्स सुविधा वापरण्यासाठी वापरकर्त्यांना ती प्रथम सक्रिय करावी लागेल. वॉलेटमधील शिल्लक ठराविक मर्यादेपर्यंत खाली आल्यानंतर वापरकर्त्याच्या लिंक केलेल्या खात्यातून स्वयंचलितपणे वॉलेटमध्ये पैसे टॉप-अप होतील. NPCI ने UPI Lite साठी एका दिवशी जास्तीत जास्त 5 वेळा टॉप-अपची मर्यादा ठेवली आहे. जर वापरकर्त्याने ऑटो-पे बॅलन्स निवडले नसेल, तर त्याला वॉलेट मॅन्युअली टॉप-अप करण्याचा पर्यायही मिळणार आहे. या नव्या सुविधांमुळे UPI Lite वापरकर्त्यांना छोटे पेमेंट्स अधिक सुलभपणे करता येतील.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
