Aadhar Card Tips : आजच्या काळात आधार कार्ड आपल्याला सर्व कामांसाठी आवश्यक आहे. शाळेत प्रवेशापासून ते बँक अकाउंट उघडणे, नोकरी मिळवणे आणि घर भाड्याने घेणे यासारख्या सर्व कामांसाठी आधार कार्ड लागते.
आधार कार्ड वापरणे आता सोपे आणि सुरक्षित होणार आहे. आधार क्रमांक (UID) उघड करण्याची गरज न पडता तुम्ही आता 'आधार व्हर्चुअल आयडी' (VID) वापरू शकता.
व्हर्चुअल आयडी ही तुमच्या आधार कार्डाची १६ अंकी असलेली तात्पुरती ओळख आहे. ही आयडी वापरून तुम्ही बँका, मोबाईल कंपन्या यासारख्या सेवा पुरवठादारांकडे तुमची ओळख सिद्ध करू शकता. त्यामुळे तुमच्या आधार कार्डाचा मूळ क्रमांक कोणाशीही शेअर करावा लागणार नाही.
व्हर्चुअल आयडी मिळवणे खूप सोपे आहे. तुम्ही ती UIDAI ची अधिकृत वेबसाइट (uidai.gov.in) वरून काही मिनिटांमध्ये काढू शकता.
१. UIDAI च्या वेबसाइटवर जा.
२. मेन पेजवर तुम्हाला 'Virtual ID (VID) Generator' असा पर्याय दिसणार आहे. त्यावर क्लिक करा.
३. यावर क्लिक केल्यावर नवीन पेजवर तुमचा आधार क्रमांक, सिक्युरिटी कोड आणि तुमच्या नोंदणीकृत मोबाईल क्रमांकावर आलेला OTP भरावा लागणार आहे.
४. OTP भरल्यानंतर 'Generate VID' किंवा 'Retrieve VID' यापैकी पर्याय निवडा.
Generate VID - पहिल्यांदाच व्हर्चुअल आयडी मिळवण्यासाठी.
Retrieve VID - आधी काढलेली व्हर्चुअल आयडी विसरला असाल तर ती पुन्हा मिळवण्यासाठी.
आता तुम्ही तुमच्या आधार कार्डाची माहिती सुरक्षित ठेवून या ऑनलाईन सेवांचा सहज वापर घेऊ शकता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.