Whatsapp New Feature : व्हॉट्सअ‍ॅप नेहमीच आपल्या वापरकर्त्यांच्यासाठी नवनवीन फीचर्स आणत असते. व्हॉट्सअ‍ॅपने आपल्या बीटा युजर्ससाठी एक नवीन अपडेट आणले असून, यामध्ये कॉल लिंक फीचरचा समावेश आहे. या फीचरमुळे आता वापरकर्ते सहजपणे व्हॉईस आणि व्हिडिओ कॉल्ससाठी लिंक तयार करून ती वैयक्तिक किंवा गट चॅटमधून शेअर करू शकतात. यामुळे संवाद अधिक सुलभ होईल.
याआधी कॉल लिंक तयार करण्यासाठी वापरकर्त्यांना कॉल्स टॅबवर जावे लागत असे, ज्यामुळे वेळेचा अपव्यय होत असे. मात्र, आता नवीन अपडेटमुळे हा प्रक्रिया खूपच सोपी झाली आहे. वापरकर्ते चॅटमधील अटॅचमेंट आयकॉनवर टॅप करून थेट कॉल लिंक तयार करू शकतात, त्यामुळे वेगळ्या टॅबमध्ये जाण्याची गरज उरलेली नाही.
उदाहरणार्थ, तुम्ही एखाद्या ग्रुप चॅटमध्ये ऑनलाइन मीटिंगचे नियोजन करत असाल, तर आता चॅटमधूनच कॉल लिंक तयार करून प्रत्येकाला एका क्लिकवर त्या कॉलमध्ये सहभागी होण्याची सोय करता येईल. यामुळे संवाद अधिक सुगम होईल आणि वेळेची बचत होईल. तसंच, एखाद्या मित्राशी सहज गप्पा मारायच्या असतील, तर लिंक थेट चॅटमध्ये शेअर करून क्षणार्धात कॉल सुरू करता येईल.
हे फीचर सध्या निवडक बीटा युजर्ससाठी उपलब्ध असून, लवकरच अधिक वापरकर्त्यांना उपलब्ध होणार आहे. व्हॉट्सअ‍ॅपमध्ये नेहमीच खास फीचर्स येत असतात. हे फीचर मात्र वापरकर्त्यांच्या जास्त पसंतीस उतरेल असे वाटत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
