Whatsapp Customize Feature : व्हॉट्सॲप चॅट्सचा लूक बदलण्यासाठी व्हा तयार; ॲपला बनवा कलरफुल, कसं वापराल हे खास पर्सनल फीचर?

Whatsapp customize chat bubbles wallpapers : व्हॉट्सॲप जगातील स्मार्टफोन वापरकर्त्यांसाठी सर्वाधिक वापरली जाणारी इन्स्टंट मॅसेजिंग अॅप बनली आहे. या अॅपचे इंटरफेस आणि सुरक्षा वैशिष्ट्यांमुळे ते लोकप्रिय बनले आहे. वापरकर्त्यांच्या गरजांनुसार अॅपला अपडेट करण्यासाठी कंपनी नियमितपणे प्रयत्न करत असते. गेल्या वर्षभरात व्हॉट्सॲपने अनेक नवीन फीचर्स आणले आहेत आणि आता त्यात नवीन फीचर सादर करण्याची तयारी करत आहे. या नवीन फीचरमुळे वापरकर्त्यांना आपल्या चॅट्सला वेगवेगळ्या थीमसह पर्सनल थीम तयार करता येणार आहे. यामुळे व्हॉट्सॲप वापरण्याचा अनुभव उत्तम होईल आणि चॅटिंग अधिक आकर्षक होईल.

WABetaInfo वेबसाइटनुसार, हे फीचर सध्या विकासाच्या टप्प्यात आहे आणि लवकरच बीटा वापरकर्त्यांसाठी उपलब्ध होईल. या नवीन फीचरसह, वापरकर्त्यांना थीम पर्यायांच्या श्रेणीतील चॅट बबल आणि वॉलपेपर्ससाठी आपले आवडते रंग निवडता येणार आहे. साध्या भाषेत सांगायचे झाले तर वापरकर्त्यांना आपल्या चॅट थीम वैयक्तिकीकरण (Personalized) करता येणार आहे. WABetaInfo ने या फीचरचे उदाहरण म्हणून एक स्क्रीनशॉटही शेअर केला आहे.

एकदा हे फीचर रोल आउट झाल्यावर, वापरकर्त्यांना वेगवेगळ्या रंगांच्या मेसेज बबल आणि वॉलपेपर्ससह विविध थीम पर्यायांमध्ये वापरण्याची सुविधा मिळेल, ज्यामुळे ते त्यांच्या व्हॉट्सॲपला एक नवीन लूक देऊ शकतील. दरम्यान, Android 2.24.20.3 साठी व्हॉट्सॲप बीटाच्या नवीनतम अपडेटमध्ये एक नवीन फीचर आणले जात आहे जे अद्याप Google बीटा प्रोग्राममध्ये नोंदणीकृत वापरकर्त्यांना दिसत नाही. हा अपडेट वापरकर्त्यांना त्यांच्या सेव्ह केलेल्या संपर्कांना त्यांच्या स्टेटस अपडेट्समध्ये टॅग करण्याची सुविधा देतो, ज्याला "mentions" म्हणतात.

स्टेटस अपडेट लिहिताना, वापरकर्त्यांना आता टेक्स्ट फील्डमध्ये एक "@" mention आयकॉन दिसेल, जो त्यांना त्यांच्या संपर्कांना सूचित करतो. टॅग केलेला संपर्क एक संदेश आणि नोटिफिकेशन प्राप्त करेल आणि स्टेटस पाहू शकेल आणि पुन्हा शेअर करू शकेल.

अपडेटनंतर, टॅग केलेल्या संपर्काचे नाव वापरकर्त्याच्या नावाखाली दिसेल, परंतु फक्त वापरकर्ता आणि टॅग केलेला व्यक्तीच ते पाहू शकतील, त्यामुळे गोपनीयता आणि सुरक्षितता याबाबतीत हे फीचर बेस्ट आहे.