'फोन पे' आणि 'पोस्ट पे' मध्ये खडाजंगी, का सुरु आहे वाद जाणून घेऊया

वॉलमार्ट इंकच्या मालकीचे पेमेंट अॅप्लिकेशन 'फोन पे' ने भारतपेच्या 'बाय नाऊ, पे लेटर' (buy now, pay later) अॅप 'पोस्ट पे' विरोधात ट्रेडमार्कचे उल्लंघन केल्याप्रकरणी नवा खटला दाखल करायचा निर्णय घेतला आहे. या प्रकरणात त्यांनी मुंबई उच्च न्यायालयात दाखल केलेली याआधीची याचिका मागे घेतली आहे. फोनपेच्या नोंदणीकृत ट्रेडमार्कचा गैरवापर पोस्ट पे ने करु नये यासाठी फोनपेने मुंबई उच्च न्यायालयात धाव घेतली होती. फ्लिपकार्ट ग्रुप कंपनीने शुक्रवारी रात्री दिलेल्या निवेदनात ही माहिती दिली.

रेझिलिएंट इनोव्हेशन्सचा पोस्टपे हा फोनपेच्या चिन्हासारखाच (Trademark) हुबेहुब असल्याचे न्यायालयाच्या निरिक्षणात नोंदवले आहे. फोनेटिकली अर्थात शब्द उच्चारताना आलेला सारखा आवाज, संरचनात्मक (structurally) आणि पाहतानासुद्धा दोन्ही ट्रे़डमार्क्स अगदी सारखीच वाटावी इतके साम्य असल्याचेही न्यायालयाने म्हटले आहे. ‘PostPe/postpe ही फोनपे या शब्दाची नैसर्गिक उत्क्रांती (natural evolution) आहे आणि ती फोनपेमधूनच निघाल्याचे वाटत असल्याचे न्यायालयाच्या सुनावणीदरम्यान नमूद केले.

फोनपेने दाखल केलेल्या विनंतीमध्ये (pleadings) कोर्टाने केलेल्या काही निरीक्षण नोंदवली आहेत, त्यासाठी, फोन पेने आधीचा खटला मागे घेण्यात आल्याचे फोनपेच्या निवेदनात म्हटले आहे. खटला मागे घेण्यास परवानगी देताना आणि दोन्ही पक्षांचे हक्क आणि वाद (contentions) खुले ठेवताना न्यायालयाने फोनपेला नवीन खटला दाखल करण्याचे स्वातंत्र्य दिल्याचेही या निवेदनात म्हटले आहे.

त्यानुसार, आता नवा खटला दाखल करू आणि 'PostPe'/'postpe च्या ट्रेडमार्क गैरवापराला विरोध करत राहू असे फोन पे ने म्हटले आहे. दुसरीकडे पीटीआयने भारतपेच्या प्रवक्त्याशी संपर्क साधला असता न्यायालयातील शुक्रवारच्या कामकाजावर कोणतेही भाष्य करायचे नाही असे म्हटले.

कायदेशीर प्रक्रियेची प्रतिष्ठा (dignity) टिकवून ठेवण्यासाठी आम्ही माननीय मुंबई उच्च न्यायालयाने दिलेला आदेशाची पावती (receipt) मिळण्याची वाट पाहू असे भारतपेच्या प्रवक्त्याने सांगितले. पण पोस्टपेच्या वापराविरूद्ध फोनपेने दाखल केलेला खटला मागे घेतला असल्याचे सांगायला ते विसरले नाहीत. तर फोनपे आमच्याविरुद्ध करणाऱ्या कोणत्याही कायदेशीर कारवाईला आम्ही विरोध करु असेही भारतपेच्या प्रवक्त्याने सांगितले.