Car safety tips for winter : हिवाळ्यामध्ये आपल्या कारच्या आतमधील तापमान उबदार ठेवण्यासाठी कित्येक जण हीटर किंवा ब्लोअरचा वापर करतात. यामुळे काही वेळातच कारच्या आतमधील तापमान वाढतं, आणि बाहेरील थंडीपासून बचाव होतो. मात्र, ब्लोअर वापरताना विशिष्ट काळजी घेणं गरजेचं आहे.
हीटर किंवा ब्लोअर अधिक काळ चालू ठेवल्यास आजूबाजूचा ऑक्सिजन कमी होत जातो. यासोबतच बाजूच्या हवेतील कार्बन डायऑक्साइड आणि कार्बन मोनॉक्साईड याचा स्तर वाढायला लागतो. यामुळे श्वास घेण्यास अडचण निर्माण होते. या गॅसचं प्रमाण वाढल्यास जीव जाण्याचा धोका असतो.
ब्लोअर लावल्यानंतर कार लवकर गरम व्हावी यासाठी लोक काचा पूर्णपणे लावून घेतात. मात्र, यामुळे श्वास गुदमरण्याची भीती वाढते. त्यामुळे ब्लोअर किंवा हीटरचा वापर करत असाल, तर थोड्या-थोड्या वेळाने कारच्या काचा उघडणं योग्य ठरतं. यामुळे कारमध्ये हवा आणि ऑक्सिजन येत राहतो. (Automobile News)
कित्येक वेळा लोक कारमध्ये लहान मुलांना सोडून आपली इतर कामे करायला जातात. अशा वेळी कारमध्ये ब्लोअर सुरू ठेऊन काचा बंद असल्यास, मोठी दुर्घटना घडू शकते. अशा प्रकारची चूक करणं टाळा.
गाडी चालवताना जर तुम्ही ब्लोअर वापरत असाल, तर रीसर्क्युलेशन मोड चालू ठेवा. यामुळे कारच्या केबिनमध्ये ताजी हवा येत राहील आणि गुदमरण्याचा धोका टळेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
