सर्च इंजिन गुगल (Google) अनेक खास प्रसंग अ‍ॅनिमेटेड डूडलद्वारे साजरे करतात. आज Google हिवाळी संक्रांती साजरी करत आहे आणि या विशेष प्रसंगी, गुगलने हिवाळी हंगाम 2021 ला एक खास अ‍ॅनिमेटेड डूडल (Google Doodle) समर्पित केले आहे. वास्तविक, 21 डिसेंबर हिवाळी संक्रांती चिन्हांकित करते, ज्याला डिसेंबर संक्रांती, हिमल संक्रांती किंवा हायबरनल संक्रांती म्हणून देखील ओळखले जाते. या दिवशी पृथ्वीचा एक ध्रुव सूर्यापासून जास्तीत जास्त अंतरावर झुकलेला असतो. या दिवशी वर्षातील सर्वात लहान दिवस (Smallest day of the Year) तर सर्वात मोठी रात्र (The Biggest Night) असते. 21 डिसेंबरला सूर्य दक्षिणायनातून उत्तरायणात प्रवेश करतो.
दरवर्षी 21 किंवा 22 डिसेंबर रोजी ब्रिटन, अमेरिका, भारत, रशिया, चीन आणि कॅनडा सारख्या बहुतेक देशांमध्ये हिवाळी संक्रांती म्हणून साजरा केला जातो. हिवाळ्यातील संक्रांतीला पृथ्वीचा उत्तर ध्रुव सूर्यापासून दूर असतो आणि सूर्य भारतीय वेळेनुसार रात्री ९.२८ वाजता सुमारे २३.४ अंश दक्षिणेस थेट मकर राशीत असतो. द्रिक पंचांग नुसार हिवाळ्यातील संक्रांतीचा सूर्योदय (Sunrise) सकाळी 7.10 वाजता आणि सूर्यास्त (Sunset) संध्याकाळी 5.29 वाजता होईल.
हिवाळ्यातील (Winter) संक्रांती सूर्याच्या जन्माचे चिन्ह म्हणून देखील ओळखली जाते, कारण आजपासून दिवस मोठे होऊ लागतात, तर रात्री लहान होऊ लागतात. डिसेंबर संक्रांतीसाठी, उत्तर गोलार्ध (Northern Hemisphere) सूर्यापासून (Sun) सर्वात दूर आहे, तर दक्षिण गोलार्धात (Southern Hemisphere) ते खगोलशास्त्रीयदृष्ट्या उन्हाळ्याची (Summer) सुरुवात आहे. लोक त्यांच्या स्वतःच्या परंपरा आणि विश्वासांनुसार हा दिवस साजरा करतात.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
