यूट्यूबवर व्हिडिओ पाहताना मध्येच जाहिरात आल्यामुळे संपूर्ण मूडचा विचका होतो. असं होऊ नये यासाठी यूट्यूबने सबस्क्रिप्शन प्लॅन आणला आहे. मात्र, त्याऐवजी कित्येक जण अ‍ॅड ब्लॉकरचा उपयोग करतात. तुम्हीदेखील असे टूल्स वापरत असाल, तर ही बातमी तुमच्यासाठी आहे.
यूट्यूबवर कित्येक वेळा अगदी 30 सेकंदांपर्यंतच्या जाहिराती असतात. इतर जाहिरातींप्रमाणे या 5 सेकंदांमध्ये स्किप देखील करता येत नाहीत. यामुळेच कित्येक जण अ‍ॅड ब्लॉकरची मदत घेतात. यामुळे यूट्यूबवर व्हिडिओ बघताना अगदी कमी अ‍ॅड्स दिसतात, किंवा एकही जाहिरात दिसत नाही.
आता असे अ‍ॅड ब्लॉकर्स वापणाऱ्या व्यक्तींवर यूट्यूब कडक कारवाई करणार आहे. जाहिराती स्किप करण्यासाठी जर कोणी अ‍ॅड ब्लॉकर वापरताना आढळल्यास, त्या व्यक्तीचं अकाउंट बंद करण्यात येणार आहे. अर्थात, यूट्यूब त्यापूर्वी यूजर्सना वॉर्निंग देईल. (YouTube Ads Blocker)
एका रेडिट यूजरने या वॉर्निंगचा स्क्रीनशॉट पोस्ट केला आहे. यामध्ये यूट्यूबने दिलेला इशारा स्पष्टपणे दिसत आहे. अ‍ॅड ब्लॉकर वापरून यूजरने तीन व्हिडिओ सलग पाहिले, तर यूट्यूब त्यांना ब्लॉक करणार आहे. ही बंदी किती वेळापर्यंत असेल याबाबत कंपनीकडून स्पष्टीकरण देण्यात आलेलं नाही.
यूट्यूबवर जाहिरातींशिवाय व्हिडिओ पाहण्यासाठी प्रीमियम प्लॅन देण्यात आले आहेत. Youtube Premium सबस्क्रिप्शन हे 129 रुपये प्रति महिना या किंमतीला उपलब्ध आहे. हा प्लॅन घेतल्यानंतर यूजर्स यूट्यूब म्युझिक देखील बॅकग्राउंडला प्ले करू शकतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.