म्हैसूरला फिरायला जाताय तर 'या' ठिकाणी अवश्य भेट द्या

पुणे: कर्नाटक राज्याच्या दक्षिणेकडील भागात म्हैसूर (Mysore) शहर एक सांस्कृतिक राजधानी (Cultural capital) आहे. तसेच कर्नाटकातील सर्वात प्रसिद्ध पर्यटन स्थळ (Tourist destination) आहे. 1399 ते 1956 या काळात वाडियार राजवंशाद्वारे राज्य केल्या गेलेल्या म्हैसूर राज्याची राजधानी होती. या काळात, परंतु थोड्या काळासाठी, 1760 ते 70 च्या दशकात हैदर अली आणि टीपू सुलतान येथे सत्तेत आले. वाडियार कला आणि संस्कृतीचे संरक्षक असल्याने, म्हैसूरला सांस्कृतिक राजधानी बनविण्यात आले.

मजेशीर गोष्ट म्हणजे मैसूरने बर्‍याच गोष्टींना आपले नाव दिले आहे आणि त्या गोष्टी जगभर प्रसिद्ध आहेत. यापैकी काही प्रसिद्ध म्हणजे म्हैसूर पाक, म्हैसूर रेशीम साड्या, म्हैसूर मसाला डोसा, म्हैसूर पेंटिंग्ज इ. जर हे सर्व जाणून घेता येईल. तुम्हाला या शहरास भेट द्यायची इच्छा असेल तर तुम्ही येथे एकदा अवश्य भेट द्या.

म्हैसूर पॅलेस

कर्नाटकातील म्हैसूरच्या मध्यभागी वसलेला, वाडियार राजाने बांधलेला हा राजवाडा देशातील सुंदर पॅलेस आहे. याला अंबा विलास म्हणून देखील ओळखले जाते. द्रविड, पूर्व आणि रोमन कलेचा अप्रतिम मिलाफ बनलेला हा वाडा प्रसिद्ध ब्रिटीश आर्किटेक्ट हेनरी इरविन यांनी डिझाइन केला होता. राखाडी रंगाच्या दगडांनी बनलेल्या राजवाड्यावर गुलाबी रंगाचे घुमट त्याचे सौंदर्य वाढवतात. याची वेळ सकाळी 10 ते सायंकाळी 5:30 पर्यंत आहे.

लोकसाहित्य संग्रहालय (Folklore Museum)

म्हैसूरच्या या संग्रहालयात लोककला, हस्तकला, ​​संगीत, साहित्य आणि नाटक संबंधित 6500 हून अधिक कलाकृती दाखवल्या आहेत. हे संग्रहालय 1968 मध्ये स्थापन करण्यात आले होते आणि कर्नाटकातील लोककथा आणि वारसा जाणून घेण्यासाठी यापेक्षा चांगली जागा याठिकाणी असू शकत नाही. येथे स्टेच्यू, बाहुल्या, कठपुतळी, बरीच प्राचीन वाद्ये, राजे, राणी, देवता आणि सैनिकांचे लघुचित्र, पारंपारिक भांडी इत्यादी पाहू शकतात. हे संग्रहालय सोमवार ते रविवारी सकाळी 8.30 ते सांयकाळी 6 या वेळेत खुले आहे.

ललिता महाल पॅलेस

हा राजवाडा म्हैसूरचा दुसरा सर्वात मोठा राजवाडा आहे, जो महाराज कृष्णराज वाडियार चतुर्थाने बांधला होता. असे म्हटले जाते की लंडनमधील सेंट पॉल कॅथेड्रलच्या धर्तीवर हा महाल बांधला गेला आहे. भारत सरकारच्या पर्यटन विभागाने सध्या हे पंचतारांकित हॉटेलमध्ये रूपांतरित केले आहे. जरी त्याचा रॉयल एम्बियन्स आजही कायम आहे. या वाड्याच्या बाल्कनीत डाव्या बाजूला चामुंडी डोंगराचा आणि राजवाड्यासमोरच्या मैसूर शहराचा सुंदर नजारा दिसतो.

सोमनाथपुरा मंदिर

सोमनाथपुरा मंदिर कावेरी नदीच्या काठी वसलेले आहे. होयसल वास्तुकलेचे एक उत्कृष्ट स्मारक, प्रसिद्ध प्रसन्ना चेन्नकेशव मंदिर, भगवान श्रीकृष्णाचे तीन रुपामध्ये समर्पित आहे. या मंदिराच्या खराब झालेल्या मूर्तींमुळे येथे पूजा केली जात नाही. या मंदिराच्या भिंतींमध्ये रामायण, भागवत पुराण आणि महाभारत मधील आख्यायिका आणि आध्यात्मिक कथा दर्शविल्या आहेत.

चामुंडेश्वरी मंदिर

हे मंदिर चामुंडी टेकड्यांच्या शिखरावर आहे. या मंदिराचे नाव शक्तीचे उग्र रूप, चामुंडेश्वरी असे ठेवले गेले. कर्नाटकातील स्थानिक लोक या देवीला नादा देवी म्हणून ओळखले जाते, म्हणजेच त्या राज्याची देवी. असे म्हणतात की देवी दुर्गाने चामुंडी शिखरावर महिषासुरांचा वध केला. येथे बरेच लोकप्रिय सण साजरे केले जातात. आषाढ महिन्यात चामुंडी जयंतीच्या नावाने हा सणही साजरा केला जातो. जर तुम्ही म्हैसूरला गेला तर या भव्य मंदिरात जायला विसरू नका.

देवराज मार्केट

म्हैसूरमध्ये देवराज मार्केट हे एक मोठे बाजार आहे, जे 1886 मध्ये बांधले गेले. 1925 मध्ये त्याचे नाव डोडा देवराज वाडियार होते, म्हणून ते डोडा बाजार म्हणूनही ओळखले जाते. या बाजारात 1100 हून अधिक दुकाने आहेत आणि तुम्हाला येथे सर्वकाही मिळेल, जसे की फुले, फळे, कुमकुम, मसाले, रेशीम साड्या, आवश्यक तेल इ. तुम्ही येथे असलेल्या मिठाईच्या दुकानातून प्रसिद्ध म्हैसूर पाक चाखू शकता.