सबस्क्राईब करा
पावसाळ्यात निसर्ग गोव्याला असे वेगळे, पण अप्रतिम रूप देतो. गोव्याचे हे रूप अनुभवण्यासारखे आहे. हे ठिकाण शांतताप्रेमी पर्यटक आणि निसर्गप्रेमींना खूप आवडते. गोवा हे छोटे राज्य आहे. येथे सुमारे 40 लहान-मोठे समुद्रकिनारे आहेत.
गोवा हे भारतातील सर्वात लहान आणि लोकसंख्येच्या दृष्टीने चौथे सर्वात लहान राज्य आहे. गोवा हे सुंदर समुद्रकिनारे आणि प्रसिद्ध वास्तुकलेसाठी जगभर ओळखले जाते. गोवा ही पूर्वी पोर्तुगालची वसाहत होती. त्यामुळे तिथल्या घरांवर पोर्तुगालची बांधकाम शैली अनुभवायला मिळते. (Tourism News)
यातील काही किनारे आंतरराष्ट्रीय दर्जाचे आहेत. याच कारणामुळे गोव्याची जगाच्या पर्यटन नकाशावर स्वतःची ओळख निर्माण झाली आहे. गोव्यात तुम्ही आजवर अनेक बिच फिरला असाल. गोव्यातील ग्रामिण जीवनही अनुभवले असेल. (Hidden Places In Goa)
पण, गोवा जसा परदेशी पर्यटकांना खुणावतो. तसा गोव्यात असलेले अनेक ठिकाणे आहेत जी तुम्ही अजून पाहिली ही नसतील.
गर्दी, लॅविश लाईफ, शूटिंग स्पॉटच्या पिलकडील गोवा अनुभवायचा असेल तर या ठिकाणांना नक्की भेट द्या.
पश्चिम घाटात असलेला चोरला घाट हे गोवा-कर्नाटक सीमेवर एक शांत हिल स्टेशन आहे. हिरवळीने नटलेला हा स्पॉट डोळ्यांचे पारणे फेडणारा आहे. धबधबे आणि ट्रेकिंग ट्रेल्ससाठी ओळखले जाणारे, हे निसर्गप्रेमींचे नंदनवन आहे.
भगवान महावीर वन्यजीव अभयारण्याजवळ असलेले तांबडी सुर्ला येथे १२व्या शतकातील शिव मंदिर आहे. हा परिसर घनदाट जंगलांनी वेढलेला आहे आणि एकांत शोधणाऱ्यांसाठी हे एक उत्तम ठिकाण आहे. या ठिकाणाचे अनेकांनी फोटो पाहिले असतील पण हे ठिकाण गोव्यात आहे हे फारशा कोणाला पटत नाही.
कर्नाटकातील एक छोटेसे गाव नेरसा हे गोव्याच्या सीमेजवळ आहे. पक्षीनिरीक्षक आणि निसर्गप्रेमींसाठी हे ठिकाण म्हणजे पर्वणीच आहे. हे घनदाट जंगलांनी वेढलेले हे ठिकाण आणि समृद्ध जैवविविधतेसाठी ओळखले जाते.
गोव्यातील एक किल्ला प्रसिद्ध आहे. जिथे अनेक चित्रपटांचेही चित्रिकरण झाले आहे. मात्र, कर्नाटक गोवा-कर्नाटक सीमेजवळ स्थित, सडा किल्ला ऐतिहासिक ठिकाण आहे. किल्ल्याचा ट्रेक साहसी आहे आणि तो वेगळा अनुभव आपल्याला देतो.
पर्यटनाच्या दृष्टीने दांडेली हे ठिकाण नव्याने चर्चेत आले आहे. दांडेली हे वन्यजीव अभयारण्य, वॉटर-राफ्टिंग, वॉटर स्पोर्ट्स सारख्या साहसी खेळांसाठी आणि सुंदर नैसर्गिक दृश्यांसाठी ओळखले जाते.
गोव्याच्या अगदी दक्षिणेकडील कर्नाटक किनारपट्टीचे शहर, कारवार प्राचीन समुद्रकिनारे, समृद्ध इतिहास आणि आरामशीर वातावरण देते. हे त्याच्या सीफूड आणि आश्चर्यकारक रवींद्रनाथ टागोर बीचसाठी ओळखले जाते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.