ट्रिपला जाण्यापूर्वी हॉटेल बूक करताय! 'या' टिप्स फॉलो करा

तुम्ही फिरायला जात असाल तर डेस्टिनेशनपासून शॉपिंगपर्यंत (Shopping) सगळ्या गोष्टींचं प्लॅनिंग करता, पण अनेकदा असं होतं की, आपण हॉटेलच्या बाबतीत बेफिकीर होतो. आपल्याला वाटतं की आपण सकाळी जाऊन कोणतेही हॉटेल बुक (Hotel Booking) करू किंवा प्रवासादरम्यानच आपल्याला बजेटमध्ये (Budget) हॉटेल मिळेल. असे केल्याने आपण आपला वेळ वाचवतो, पण तरीही तुम्हाला चैन पडत नाही. हॉटेलमध्ये जाऊन फसवणूक झाल्यासारखे वाटते आणि आपण थोडे जास्त पैसे वाया घालवले आहेत असे आपल्याला वाटते. अशावेळी हॉटेल बुक करण्यापूर्वी काही गोष्टींची काळजी घेण्याबरोबरच काही गोष्टी माहिती असणे आवश्यक आहे.

सकाळी जास्त महाग असतात हॉटेल्स -

आपल्याला असे वाटते की शेवटच्या क्षणी बुकिंगमध्ये आपल्याला चांगली डील मिळेल परंतु तो आपला गैरसमज आहे. सकाळी हॉटेल्स खूप महाग असतात, त्यामुळे त्रास होऊ नये म्हणून अॅडव्हान्स बुकिंग करावं.

जुनी बेडशीट -

हॉटेलमध्ये बेडशीट कितीही स्वच्छ दिसत असली, तरी ती तुमच्यासमोर बदलून घ्या. कारण हॉटेलचे कर्मचारी पुढच्या ग्राहकांसाठी ते बदलत नाहीत.आपल्या सर्वांना माहित आहे की, कोरोना महामारीच्या धोक्यादरम्यान आपण स्वच्छता आणि सुरक्षिततेची अधिक काळजी घेतली पाहिजे.

डॉयरेक्ट बुकिंगऐवजी अॅपने बुक करा -

हॉटेलच्या वेबसाइटवर जाऊन ऑनलाइन बुकिंग केलंत तर तुम्हाला हे हॉटेल खूप महागडं वाटू शकतं. तर अनेक हॉलिडे किंवा हॉटेल बुकिंग अॅप्स आपल्यासाठी हॉटेल बुकिंग स्वस्त करतात. कारण यात अनेक कूपन कोड आणि डील्स देखील मिळतात.

हॉटेलच्या कोप-यात असतात मोठ्या खोल्या -

हॉटेलच्या कोपऱ्याच्या बाजूच्या खूप मोठ्या खोल्या असतात, हे बहुतेकांना माहीत नसतं. त्यामुळे तुम्ही फॅमिली ट्रिपला असाल किंवा बीन बजेटमध्ये मोठी खोली हवी असेल तर कोप-याकडील बाजूची रूम निवडू शकता.

हॉटेल सिक्युरिटी आणि सेफ्टी -

असे म्हणतात की एकमेकांवर विश्वास ठेवणे खूप महत्वाचे आहे, परंतु जेव्हा आपल्या सुरक्षिततेचा विचार केला जातो तेव्हा आपण ही म्हण काही काळ बाजूला ठेवली पाहिजे आणि सर्व काही ठीक आहे की नाही हे पाहण्यासाठी स्वत:तपासले पाहिजे. खोली आणि हॉटेलच्या टॉयलेटमध्ये एकदा तपासावे की कुठेही कॅमेरा लावलेला नाही.