Maharashtra Budget 2024 : राज्यातील 32 शिवकालीन गडकिल्ल्यांचे होणार नूतनीकरण अन् संवर्धन, पर्यटनाला मिळणार चालना! अर्थमंत्र्यांची मोठी घोषणा

Maharashtra Budget 2024 : महाराष्ट्राचे उपमुख्यमंत्री आणि अर्थमंत्री अजित पवार यांनी आज विधानसभेत अंतरिम अर्थसंकल्प नुकताच सादर केला. राज्याच्या या अर्थसंकल्पात २०२४-२५ वर्षाच्या एकूण खर्चासाठी ६ लाख ५२२ कोटी रूपयांची तरतूद करण्यात आली आहे.

या अर्थसंकल्पात अजित पवारांनी पर्यटन आणि तीर्थक्षेत्राच्या विकासासाठी काही महत्वाच्या घोषणा केल्या आहेत. महाराष्ट्रातील विविध भागांमध्ये पर्यटनाचा विकास करण्याच्या दृष्टीने या महत्वपूर्ण घोषणा करण्यात आल्या आहेत. त्या घोषणा खालीलप्रमाणे

• मौजे वडज, तालुका जुन्नर येथे छत्रपती शिवाजी महाराजांच्या जीवनावर आधारित शिवनेरी संग्रहालय

• वाढवण बंदर विकास प्रकल्पात महाराष्ट्र सागरी मंडळाचा 26 टक्के सहभाग- एकूण किंमत 76 हजार 220 कोटी रुपये

• भगवती बंदर, रत्नागिरी-३०० कोटी रुपये, सागरी दुर्ग जंजिरा, रायगड-१११ कोटी रुपये, एलिफंटा, मुंबई-८८ कोटी रुपये बंदर विकासाची कामे

• मिरकरवाडा, रत्नागिरी बंदराचे आधुनिकीकरण- २ हजार ७०० मच्छीमारांना फायदा

• कोकण विभागातील पर्यटनास चालना देण्यासाठी शिवकालीन 32 गडकिल्ल्यांचे  नूतनीकरण व संवर्धन

• पर्यटनाला चालना देण्यासाठी शाश्वत पर्यटन धोरण

• 50 नवीन पर्यटन स्थळांच्या ठिकाणी थीम पार्क, ॲडव्हेंचर स्पोर्टस्, शॉपिंग मॉल, वॉटर पार्क आणि निवास व्यवस्था

• शिवसागर-कोयना जिल्हा सातारा, गोसीखुर्द जलाशय, जिल्हा भंडारा तसेच वाघुर जलाशय, जिल्हा जळगाव येथे नाविन्यपूर्ण जल पर्यटन प्रकल्प

• लोणार, जिल्हा बुलढाणा, अजिंठा-वेरुळ, जिल्हा छत्रपती संभाजीनगर, कळसुबाई - भंडारदरा, जिल्हा अहमदनगर, त्र्यंबकेश्वर, जिल्हा नाशिक तसेच कोकणातील सागरी किल्ल्यांच्या ठिकाणी पर्यटकांसाठी उच्च दर्जाच्या सुविधा

• लोणावळा, जिल्हा पुणे येथे जागतिक दर्जाचा स्कायवॉक प्रकल्प- 333 कोटी 56 लाख किंमत

• श्रीनगर आणि श्रीराम जन्मभूमी अयोध्या येथे महाराष्ट्र भवन - 77 कोटी रुपयांची तरतूद

• स्वराज्यरक्षक छत्रपती संभाजी महाराजांचे बलिदान स्थळ मौजे तुळापूर, ता. हवेली व समाधी स्थळ वढू बुद्रुक तालुका शिरुर, जिल्हा पुणे येथील स्मारक- 270 कोटी रुपये किंमतीचा आराखडा, काम सुरु

• 12 ज्योर्तिलिंगापैकी एक औंढा नागनाथ जिल्हा हिंगोली,साडेतीन शक्तीपीठांपैकी एक श्री क्षेत्र माहुरगड जिल्हा नांदेड, एकवीरादेवी मंदिर जिल्हा पुणे तीर्थक्षेत्र विकास प्राधिकरणांची स्थापना

• पुण्यश्लोक अहिल्यादेवी होळकर यांच्या तृतीय जन्मशताब्दी वर्षानिमित्त विविध कार्यक्रम - 20 कोटी रुपये निधी

• पुण्यश्लोक अहिल्यादेवी होळकर मंदिरे, बारवांचे जतन व संवर्धन योजनेसाठी 53 कोटी रुपये

• धाराशीव जिल्हयात संत गोरोबाकाका महाराज यांच्या स्मारकासाठी शासकीय जमीन व निधी

• प्रतापगडाच्या पायथ्याशी “वीर जीवा महाला” यांच्या स्मारकासाठी जागा

• हुतात्मा श्री शिवराम हरी राजगुरु जन्मस्थळ परिसराच्या विकासासाठी 102 कोटी 48 लाख रुपयांचा आराखडा

• श्री क्षेत्र सप्तश्रृंगी गड, ता. कळवण स्थळाच्या 81 कोटी 86 लाख रुपयाच्या तीर्थक्षेत्र विकास आराखड्यास मान्यता