Monsoon Tourism : प्राचीन काळापासून सात देवतांचं निवासस्थान असलेलं विदर्भातलं हे ठिकाण, एकदा नक्की बघा

Monsoon Tourism : पावसाळ्यात बरेच लोक ट्रेकिंगला जातात. तसेच पावसाळ्याचा आनंद घेतात. पावसाळ्यात आणि हिवाळ्यात विदर्भातल्या या ठिकाणी पर्यटकांची गर्दी बघायला मिळते. नैसर्गिक सौंदर्याचा उत्तम नजारा तुम्हाला इथून बघता येईल. या पर्वतरांगांचे नोंदणीकृत नाव "पेरजागड" असे आहे. मात्र अनेकांना या ठिकाणाची माहिती नाही. पावसाळ्यात आणि हिवाळ्यात बरेच लोक इथे ट्रेकिंगसाठी जातात. तेव्हा यंदा तुम्हीही इथे जाऊ शकता.

नैसर्गिक सौंदर्याची अप्रतिम दृष्ये तुम्हाला इथे बघायला मिळतील. नागभीड तहसीलच्या शेवटी 35 किमी लांब आणि 459 मीटर उंच पर्वत आहे. लांबून पाहिल्यास तो किल्ला वाटतो कारण त्याच्या माथ्यावर मोठे खडकाळ थर आहेत. या पर्वतरांगांना सात बहिणी म्हणजेच सेवन सिस्टर हिल्स असे म्हटले जाते. म्हणजेच अंबा, निंबाई, मुक्ताई, लक्ष्मी, सरस्वती, महाकाली आणि दुर्गा या सात बहिणी. त्यांची निवासी गुहा आणि मंदिरे आजही तेथे प्राचीन काळापासून आहेत. (Monsoon Tourism)

1964 पासून दरवर्षी मकरसंक्रांती आणि महाशिवरात्री या सणांसाठी जवळपासचे लोक एकत्र जमतात. टेकडीच्या माथ्यावरून दिवसाच्या विशिष्ट वेळी सूर्यास्त आणि सूर्योदय पाहता येतो. तसेच दिवसा वन्य प्राणी आणि पक्ष्यांचा आवाज तुम्हाला इथे ऐकू येईल. (Tourism)

ट्रेकिंगसाठी हे ठिकाण उत्तम आहे. तसेच या पर्वताच्या उंचावर पोहोचल्यावर तिथून अप्रतिम नजारा दिसतो. तेव्हा एकदातरी या पर्वतरांगांना नक्की भेट द्या आणि पावसाळ्याचा भरपूर आनंद घ्या.