Someshwar Temple Baner : अनेक ऐतिहासिक घटनांनी समृद्ध आणि शांत असं पुण्याच सोमेश्वर मंदिर!

Someshwar Temple Baner : पुण्यात अशी अनेक मंदिरं आहेत जी खूप जुनी आहेत पण त्यांच्याबद्दल फार कमी लोकांना माहिती आहे, ही अशी जुनी मंदिरच आपली संस्कृती जपण्यासाठी आणि लोकांपर्यंत पोहोचवण्यासाठी मदत करतात. आजकालचा तरुणवर्ग अशाच जुन्या वास्तूंकडे आकर्षित होतांना दिसतो आहे.

ही जुनी मंदिरं त्यांच दगडी बांधकाम, त्यात कोरलेली बारीक आणि सुबक नक्षी यामुळे खूप सुंदर दिसतात, शिवाय मंदिर बनवतांना अनेक वास्तुशास्त्राच्या गोष्टी सुद्धा बघायला मिळतात. बाणेर मध्ये असलेलं सोमेश्वर मंदिर असंच काहीसं आहे. तब्बल 900 वर्षाहूनही हे जून असल्याच मानलं जातं.

आत्ता जरी पुणे महानगरपालिकेने इथल्या नदीला नाला म्हणून घोषित केलेल असलं तरी त्या काळी मुळा नदीची उपनदी राम नदीच्या काठी हे मंदिर वसलेल आहे. मंदिराच्या परिसरात गणपती, हनुमान आणि भैरवनाथ यांची लहान मंदिरं आहेत. मंदिराच्या उत्तरेला हवनकुंड आहे. आणि मंदीराच्या प्रवेशद्वारावर 40 फूट दीपमाळ आहे. मंदिर परिसराला आजूबाजूला दगडी तटबंदी आहे. भिंतीच्या एका भागात एक छोटी गॅलरी बांधण्यात आली आहे, ज्यात मोडी लिपीतील जुनी कागदं, चित्रे आणि काही फोटो यांच छोटसं प्रदर्शन आहे.

राजमाता जिजाऊ आऊसाहेब इथे दर्शनाला येयच्या

छत्रपती शिवाजी महाराजांच्या आई राजमाता जिजाऊ आऊसाहेब 17 व्या शतकात जेव्हा पुण्यातल्या लाल महालात राहायला होत्या तेव्हा या मंदिरात दर्शनासाठी नेहमीच यायच्या अशी याची आख्यायिका आहे.

शिवराम भटांना सापडलेला इथे खजिना

शिवराम भट चित्रव स्वामी यांना इथे सोन्याच्या नाण्यांचा खजिना सापडला होता, जो त्यांनी तेव्हाचे पेशवे नानासाहेब पेशव्यांना दान केलेला, धार्मिक जागेच महत्व ओळखत त्यांनी त्याचा उपयोग मंदिराच्या नूतनीकरणासाठी केला होता.