Andaman Travel : अंदमानला फिरायला जायचय? मग, तिथे गेल्यावर 'या' गोष्टी करायला विसरू नका

Andaman Travel : हिवाळा सुरू झाला की, अनेक जण फिरायला जाण्याचे प्लॅनिंग करतात. कपल्स असो किंवा फॅमिलीसोबत फिरायला जायचे असेल तरी अनेक जण या थंडीच्या दिवसांमध्ये जाण्याचे प्लॅनिंग करतात. खास करून डिसेंबर ते मार्च या दरम्यान विविध ठिकाणी फिरायला जाण्यावर अनेक जण भर देतात.

अवघ्या काही दिवसांवर ‘व्हॅलेंटाईन डे’ येऊन ठेपला आहे. जगभरात १४ फेब्रुवारीला व्हॅलेंटाईन डे साजरा केला जातो. त्यापूर्वी, आठवडाभर व्हॅलेंटाईन वीक सगळीकडे साजरा केला जातो. यंदाच्या व्हॅलेंटाईन डे निमित्त तुम्ही तुमच्या पार्टनरसोबत अंदमानला फिरायला जाणार असाल तर तिथे गेल्यावर तुम्ही काही गोष्टी एक्सप्लोअर करायलाच हव्यात. कोणत्या आहेत त्या गोष्टी? चला तर मग जाणून घेऊयात.

स्कूबा डायव्हिंग करा

अंदमानमधील सुंदर समुद्रकिनारे, तिथला निसर्ग आपल्या सर्वांना नेहमीच भुरळ घालतो. अंदमानमधील या स्वच्छ आणि निळ्याशार समुद्रकिनाऱ्यांवर गेल्यावर स्कूबा डायव्हिंग करायलाच हवे.

अंदमानच्या समुद्रकिनाऱ्यांवर गेल्यावर तुमच्या जोडीदारासोबत स्कूबा डायव्हिंग करण्यात एक वेगळीच मजा आहे. पाण्याखालचे वेगळेच जग तुम्ही अनुभवाल आणि हा अनुभव तुमच्यासाठी अविस्मरणीय असेल, यात काही शंका नाही. येथे गेल्यावर तुम्ही स्नॉर्कलिंग आणि स्कूबा डायव्हिंगचा कोर्स ही करू शकता.

समुद्रकिनाऱ्यांवर घालवा वेळ

अंदमानमध्ये गेल्यावर तुम्हाला तुमच्या पार्टनरसोबत क्वालिटी टाईम घालवायचा असेल तर तिथल्या समुद्रकिनाऱ्यांवर मस्त फेरफटका मारा. पार्टनरच्या हातात हात देऊन समुद्रकिनाऱ्यावर चालण्याची मजा काही औरच आहे. खास करून सूर्यास्त किंवा सूर्योदयावेळी तुम्ही बीचेसवर वेळ अवश्य घालवा.

यामुळे, तुमच्यातील नाते आणखी बहरेल आणि समुद्रकिनाऱ्यावर रेतीतून आणि पाण्यातून चालताना एक वेगळाच आनंद तुम्हाला मिळू शकेल. त्यामुळे, अंदमानमध्ये गेल्यावर ही गोष्ट करायला अजिबात विसरू नका.

वॉटर स्पोर्ट्स अ‍ॅक्टिव्हिटी

समुद्रकिनाऱ्यांवर गेल्यावर वॉटर स्पोर्ट्सचा आनंद घेणे गरजेचे आहे. यामध्ये एक वेगळीच मजा असते. अंदमानमध्ये गेल्यावर स्कूबा डायव्हिंग, स्नॉर्कलिंग, जेट स्किईंग, सर्फिंग, बनाना बोट राईड, पॅरासिलिंग इत्यादी अनेक प्रकारच्या वॉटरस्पोर्ट्सचा आनंद घ्यायला अजिबात विसरू नका. या सर्व अ‍ॅक्टिव्हिटीज एंजॉय करा आणि तुमची ही अंदमान ट्रीप अविस्मरणीय करा.