सोशल मीडियावर प्रसिद्ध होण्यासाठी तसेच इन्स्टाग्राम रीलसाठी लोक आज काहीही करायला लागले आहेत. सोशल मीडियावरील काही लाईक्स आणि फॉलोअर्ससाठी ते जीव धोक्यात घालून वेगवेगळे स्टंट करतात. असे करताना अनेकांनी जीव गमावल्याच्याही घटना समोर आल्या आहेत.
दरम्यान अशीच एक घटना बंगळुरूमध्ये घडली आहे. तिथे रस्त्याच्या मधोमध स्कूटरवर जीवघेणा स्टंट करताना लोकांनी एका युवकाला पकडले. तेव्हा लोकांनी हे प्रकरण हातात घेतले आणि त्याला धडा शिकवण्याचे ठरवले.
बंगळुरूमध्ये काही लोकांनी रस्त्यावर इंस्टाग्राम रीलसाठी व्हिडिओ बनवणाऱ्या युवकाला वेगवान स्कूटरवर धोकादायक स्टंट करताना पकडले. यावेळी संतापलेल्या लोकांनी स्टंट करणाऱ्या तरुणाची स्कूटर थेट पूलावरून खाली फेकली. ही स्कूटर खाली पडल्यानंतर त्याचे अनेक तुकडे पाहायला मिळाले.
दरम्यान या लोकांनी पुलावरून स्कूटर फेकल्याचा व्हिडिओ सोशल मीडियावर जोरदार व्हायरल होत आहे. ज्यात संतापलेले लोक पूलावरून स्कूटर खाली फेकताना दिसत आहेत.
ही घटना कर्नाटकातील तुमाकुरु राष्ट्रीय महामार्गावरील आहे. जिथे एक तरुणी त्याच्या स्कूटरवर रील्ससाठी स्टंट करत अमर्याद वेगाने स्कूटर चालवत होता.
दरम्यान हा स्टंट करताना त्याचा जीव तर धोक्यात घातलाच होत पण इतर स्वार आणि पादचाऱ्यांचा जीवही धोक्यात घातला. त्याच्या स्टंटबाजीमुळे संतप्त झालेल्या जमावाने स्कूटर पुलावरून फेकून दिली.
नेलमंगळा पोलिसांनी स्कूटर जप्त करून स्टंट करणाऱ्या तरुणांवर गुन्हा दाखल केला आहे. अधिकारी सांगितले की सीसीटीव्ही फुटेज आणि दुचाकीचे तपशील तपासत आहेत. मिळालेल्या माहितीनुसार या तरुणांचे पालक उत्तर बेंगळुरूच्या मथिकेरे आणि यशवंतपूर भागात राहतात.
बेंगळुरू ईशान्य वाहतूक पोलिसांनी 15 ऑगस्ट रोजी विशेष मोहीम राबवून विमानतळ रोडवर स्टंट करणाऱ्या 44 लोकांना अटक केली. अधिकाऱ्यांनी सांगितले की, बेंगळुरूमधील काही तरुणांसाठी हे स्टंट करण्यासाठी महामार्गावर जाणे सामान्य झाले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
