Agra Girl Video: महिलांना रस्त्यावर फिरणेही होतेय कठीण! धावत्या स्कूटरवर तरुणीचा पाच जणांकडून छळ, संतापजनक व्हिडिओ व्हायरल

आग्र्यातून एक धक्कादायक प्रकरण समोर आले आहे. तेथे एका स्कूटीवरून चाललेल्या मुलीचा पाच जणांनी पाठलाग करत तिला खाली उतरवण्याचा प्रयत्न केला. याचा व्हिडिओ आता सोशल मीडियावर व्हायरल होत आहे. याप्रकरणी पोलिसांनी दोघांना तत्काळ अटक केली आहे. व्हायरल व्हिडिओमध्ये दोन दुचाकी वाहनांवरुन पाचजण मुलीची दुचाकीवरून छेड काढताना दिसत आहेत.

व्हायरल व्हिडिओवर सोशल मीडिया युजर्सकडून मोठ्या प्रमाणात संताप व्यक्त झाल्यानंतर आग्रा पोलिसांनी 19 ऑगस्ट रोजी दोघांना अटक केल्याची माहिती दिली.

व्हिडिओ क्लिपमध्ये, दुचाकीस्वार तरुण स्कूटरवरून एका तरुणीचा पाठलाग करताना आणि छळ करताना दिसत आहेत. याशिवाय, पोलिसांनी व्हिडिओमध्ये दिसणारी एक दुचाकी जप्त केली आहे.

X वर मोठ्या प्रमाणावर शेअर केलेल्या फुटेजमध्ये एका स्कूटरवर जात असलेल्या तरुणीचा अंदाजे पाच पुरुष पाठलाग करत असल्याचे चित्र आहे. यावेळी स्कूटरवरून निघालेल्या मुलीला दोन्ही बाजूंनी घेरण्याचा प्रयत्न हे तरुण करत असल्याचेही दिसत आहे.

यावेळी पीडित तरुणी, काही लोक आपला पाठलाग करत असल्याचे लक्षात आल्यानंतरही, शांत आणि पाठलाग करणाऱ्यांना प्रतिसाद देत नसल्याचे दिसून आले. एकाने तर तिचा पाय तिच्या स्कूटरच्या मागच्या बाजूला ठेवला. ही संतापजनक घटना गजबजलेल्या रस्त्यावर उपस्थित नागरिकांनी पाहिली. धक्कादायक घटनेची पोलिसांनी तत्काळ दखल घेत कारवाई केली.

घटनेचे ठिकाण आणि व्हिडिओमध्ये दाखवण्यात आलेला व्यस्त रस्ता सुरुवातीला अस्पष्ट होता परंतु नंतर पोलिस आयुक्तालय आग्राने या प्रकरणात दोन अटक केल्याची घोषणा केली तेव्हा त्याची ओळख पटली.

दरम्यान आग्रा पोलीस आयुक्तालयाने याबाबत एक्सवर पोस्ट करत कारवाईबाबत माहिती दिली आहे. आग्रा पोलिसांच्या पोस्टमध्ये म्हटलेय की, "स्कूटरवरून जात असलेल्या तरुणीचा पाठलाग आणि छेडछाड करण्यासंबंधीच्या व्हायरल व्हिडिओची तात्काळ दखल घेत, छट्टा पोलीस स्टेशनच्या अँटी रोमियो टीमने तत्काळ गुन्हा नोंदवला आणि 2 आरोपींना अटक करत त्यांच्या ताब्यातून मोटारसायकल जप्त केली."