सबस्क्राईब करा
श्रीनगर- भारतीय लष्कर आणि जम्मू-काश्मीर पोलिसांमुळे मोठा अपघात होता होता राहिला आहे. अमरनाथ यात्रेला आलेल्या एका बसचे ब्रेक फेल झाले होते. बस अमरनाथ ते होशियारपूर येथे जात होती. सुदैवाने या अपघातात कोणतीही जीवितहानी झालेली नाही. पण, १० भाविक जखमी झाले आहेत. सर्व प्रवासी पंजाबचे होते. 'हिंदूस्तान टाईम्स'ने यासंदर्भातील माहिती दिली आहे.
सदर घटनेचा व्हिडिओ सोशल मीडियावर व्हायरल होत आहे. व्हिडिओमध्ये अनेक भाविक बसमधून बाहेर उड्या घेत असल्याचं दिसत आहे. मात्र, सुरक्षा दलाच्या त्वरित प्रसिदासामुळे मोठा अपघात टळला आहे. राष्ट्रीय महामार्ग ४४ वरील रामबन जिल्ह्यातील ही घटना आहे. बसवरील चालकाचे नियंत्रण सुटले होते.
अधिकाऱ्यांनी सांगितल्यानुसार, बसमध्ये ४० प्रवासी होते. ते अमरनाथच्या दर्शनासाठी आले होते. दर्शन घेऊन ते पंजाबमधील होशियारपूर येथे जात होते. यावेळी बानीहालजवळ नाचलेना येथे चालकाला बसवर नियंत्रण ठेवता येत नव्हते, कारण बसचे ब्रेक फेल झाले होते. या दुर्घटनेत १० जण जखमी झालेत, यात सहा पुरुष, तीन महिला आणि एका मुलाचा समावेश आहे.
भाविक बसमधून उड्या घेत असल्याचं पाहून लष्कराच्या जवानांनी तात्काळ कृती केली. बस पुढे जाऊन दरीत पडण्याची शक्यता होती. अशावेळी जवानांनी बसच्या टायरखाली दगड ठेवण्याचं काम केलं. त्याचबरोबर रुग्णवाहिकेला तात्काळ पाचारण करण्यात आलं होतं. शिवाय जखमींना लगेच प्राथमिक उपचार देण्यात आले. पीटीआयने यासंदर्भातील माहिती दिली आहे.
व्हिडिओमध्ये दिसतंय की, प्रवासी बसच्या मागच्या दरवाज्यातून उड्या मारत आहेत. त्यामागून सुरक्षा दलाचे जवान पळत आहेत. बस थांबवण्याचा त्यांच्याकडून प्रयत्न केला जात असल्याचं व्हिडिओमध्ये दिसत आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
