आपल्या प्रियकरासाठी भारतातून पाकिस्तानला गेलेल्या अंजूची आणि पाकिस्तानातून अवैधरित्या भारतात आलेल्या सीमा यांची लव्ह स्टोरी चांगलीच चर्चेत आहे. तर अंजू आणि सीमाने पाकिस्तान आणि भारताचा स्वातंत्र्यदिन साजरा केला आहे. पण पाकिस्तानात गेलेल्या अंजूला भारताची आठवण काही शांत बसू देत नाही. तिने 'ये मेरा इंडिया' या गाण्यावर रील बनवलं आहे.
परंपरागत विरोधक असलेल्या भारत आणि पाकिस्तानचा स्वातंत्र्यदिन तीन दिवसांपूर्वी पार पडला. यावेळी पाकिस्तानातून भारतात आलेल्या सिमाने भारताचा स्वातंत्र्यदिन चांगल्या उत्साहात साजरा केला. तर भारतातून पाकिस्तानात गेलेल्या अंजूनेही पाकिस्तानबरोबर भारतीय स्वातंत्र्यदिन साजरा केला आहे. पण त्यानंतर तिने 'ये मेरा इंडिया' या गाण्यावर बनवलेला रील व्हिडिओ सोशल मीडियावर व्हायरल झाला आहे. यावेळी तिने आपल्या गालावर तिरंगाही काढल्याचं दिसत आहे.
अधिक माहितीनुसार, भिवाडी येथील रहिवाशी असलेली अंजू आपल्या नवऱ्याला आणि मुलांना सोडून पाकिस्तानातील आपल्या प्रियकराकडे गेली आहे. नसरूल्ला असं तिच्या पाकिस्तानी प्रियकराचं नाव असून अंजूने पाकिस्तानात जाऊन इस्लाम धर्म स्विकारला आहे. त्यानंतर त्यांनी लग्न केलं असून त्यांच्या प्री-वेडिंग फोटोशूट, डीनर, डान्सचे अनेक व्हिडिओ आणि फोटो सोशल मीडियावर व्हायरल झाले आहेत.
१४ ऑगस्ट रोजी अंजू पाकिस्तानचा स्वातंत्र्यदिन साजरा करताना दिसली. यावेळी तिने आपला नवीन पती नसरूल्ला याच्यासोबत केकही कापला. त्यानंतर एका मुलाखतीत ती म्हणाली की, "मी भारताची लेक आहे, भारतातच माझा जन्म झाला आहे, मी भारतात जाणार, पाकिस्तान चांगला आहे पण भारतसुद्धा मला आवडतो, भारतसुद्धा चांगला देश आहे" असं अंजू म्हणाली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
