ट्रेनचं छत लीक होऊन अनेकदा ट्रेनमध्ये पाणी आल्याच्या घटना आपण पाहिल्या असतील. पण वंदे भारत ट्रेनसारख्या अत्याधुनीक ट्रेनमध्येसुद्धा पावसाचे पाणी घुसल्याचं ऐकून तुम्हाला धक्का बसेल. सध्या अवंतिका एक्सप्रेसमधील २ टीअर एसी कोचमध्ये छतातून पाणी गळतानाचा व्हिडिओ सोशल मीडियावर व्हायरल झाला आहे. हे पाहून तुम्हाला भारतीय रेल्वेची अवस्था लक्षात येईल.
व्हायरल होत असलेला व्हिडिओ अवंतिका एक्सप्रेसमधून प्रवास करणाऱ्या एका प्रवाशाने शेअर केला आहे. "या पावसामध्ये एसी बोगीची अवस्था अशी झाली आहे. रेल्वेच्या छतावरून पाणी गळत असल्याने प्रवाशांना मोठ्या गैरसोयीला सामोरे जावे लागत आहे." अशी तक्रार या प्रवाशाने केली आहे. सध्या हा व्हिडिओ सोशल मीडियावर चर्चेचा विषय ठरला आहे.
दरम्यान, या आधी वंदे भारत ट्रेनमधील एक व्हिडिओ व्हायरल झाला होता. यामध्येही एका डब्यात अशा प्रकारे पाणी गळत होते. तर या व्हिडिओवर नेटकऱ्यांनी विनोदी कमेंट केल्या आहेत. तर अनेकांनी या प्रकरणावरून सरकारला धारेवर धरलं आहे. हे प्रकार पाहून आपणही पावसाळ्याच्या काळात रेल्वेने प्रवास करताना विचार कराल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
