Video : देवाला माझा हात हवा होता, मी दिला; अपघातात हात गमावल्यानंतर लेकराचं बोलणं ऐकून आई ढसाढसा रडली

लेकरं निरागस असतात. ती देवाघरची फुलं असतात ते उगीच नाही. त्यांच्या मनात कोणतंच पाप नसतं. सध्या असाच एक व्हिडिओ व्हायरल झाला आहे. सदर चिमुकल्याने एका अपघातात आपला हात गमावल्यानंतर एका पत्रकाराला भावनिक उत्तर दिलं आहे. "देवाला माझा हात हवा होता म्हणून मी दिला" असं चिमुकल्याचं उत्तर ऐकून आपल्यालाही रडू आवरणार नाही.

हा भावनिक व्हिडिओ सोशल मीडियावर व्हायरल झाला आहे. एका अपघातात चिमुकल्याने आपला हात गमावला. नंतर एका पत्रकाराने त्याला यासंदर्भात विचारले असता तो म्हणाला की, "देवाला माझा हात पाहिजे होता. त्यामुळे मी माझा हात दिला, आता मला वेदना होत नाहीत, आता माझी आई तिच्या हाताने मला जेवन भरवते" असं भावनिक उत्तर या चिमुकल्याने दिल्यानंतर त्याची आई हुंदके देत रडू लागली आहे.

चिमुकल्याची आई म्हणते की, "आम्ही दोन तास मुलाचा हात काढण्याचा प्रयत्न करत होतो पण त्याचा हात बाहेर निघाला नाही. नंतर डॉक्टर म्हणाले की, मुलाचा हात कट करावा लागेल" असं म्हणत चिमुकल्याच्या आईला आपलं रडू आवरता आलं नाही. ती हुंदके देत रडताना दिसत आहे. सध्या हा भावनिक व्हिडिओ चांगलाच व्हायरल झाला असून अनेकांनी त्यावर आपल्या प्रतिक्रिया व्यक्त केल्या आहेत.