बीड : मित्र हा दुसऱ्या मित्रासाठी काय काय करू शकतो याचा कधी नेम नसतो. मित्र वणव्यामध्ये गारव्यासारखा म्हणतात ते काय खोटं नाही. संकटकाळी अनेक मित्रच कामाला येत असतात. पण एखाद्या मित्राची चेष्ठा करायची असेल किंवा अद्दल घडवायची असेल तरीही मित्रमंडळीच आघाडीवर असतात. सध्या याचीच प्रचिती आली असून बीडमधील मित्रांच्या ग्रुपचा व्हिडिओ सोशल मीडियावर व्हायरल झाला आहे.
आपला आळशी मित्र जीमला येत नाही म्हणून इतर मित्रमंडळींनी थेट त्याच्या दारात ढोलताशा पथकच नेलं आहे. वाचून आपल्याला विश्वास बसणार नाही पण हे खरं आहे. सदर मित्राच्या दारात ढोलताशा पथक वादन करताना या व्हिडिओमध्ये दिसत आहे.
सदर मित्र जोपर्यंत बाहेर येत नाही तोपर्यंत ढोल ताशा वाजत राहिला आणि जवळपास दहा बारा मित्र त्याच्या घरासमोर ठाण मांडून बसल्याचं या व्हिडिओमध्ये दिसत आहे. हा व्हिडिओ पाहून तुम्हीही थक्क व्हाल.
हा व्हिडिओ बीड शहरातील असून संदीप लवांडे यांनी हा व्हिडिओ फेसबुकवरून शेअर केला आहे. "सकाळी ग्राऊंडला खाडे करणारे मित्र, बीड पंचायत समितीचे सभापती बळीराम गवते पाटिल यांच्या दारात बँडबाजा घेऊन पोहचलेला रंकाळा ग्रुप." असं कॅप्शन त्यांनी या व्हिडिओवर केलं असून सध्या हा व्हिडिओ सोशल मीडियावर चांगलाच धुमाकूळ घालत आहे.
दरम्यान, "असे मित्र असल्यावर माणूस शंभर वर्षे का नाही जगणार? कशाला येईल अटॅक, सकाळी सकाळी दिल जित लिया रे तात्या" अशा कमेंट नेटकऱ्यांनी केल्या असून खरोखर हा व्हिडिओ पाहून आपल्यालाही आपल्या जिगरी मित्रांची आठवण आल्याशिवाय राहणार नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
