ट्रेन आली की ट्रॅकवरून जाणारे रस्ते ट्रेन पुढे जाईपर्यंत बंद केले जातात. रस्त्यावर असलेले रेल्वे गेट बंद करून दोन्ही बाजूची वाहतूक बंद केली जाते. पण रेल्वे आल्यानंतर रेल्वे ड्रायव्हरलाच खाली उतरून रेल्वे गेट बंद केल्याचा प्रकार आपण याआधी कधी पाहिला नसेल. सध्या हा व्हिडिओ सोशल मीडियावर व्हायरल झाला आहे.
हा व्हिडिओ बिहारमधील असल्याचं सांगण्यात येत आहे. तर "बिहार मैं आपका स्वागत है, आत्मनिर्भर भारताचं खरं प्रतीक" असं कॅप्शन टाकून हा व्हिडिओ शेअर करण्यात आला आहे. सदर व्हिडिओमध्ये एक ट्रेन रेल्वे गेटजवळ येऊन थांबते आणि त्यातील ड्रायव्हर खाली उतरून रेल्वे गेट बंद करतो.
दरम्यान, ट्रेन पुढे निघून गेल्यावर मागच्या डब्यात असलेला रेल्वे कर्मचारी पुन्हा हे गेट उघडतो आणि ट्रेनमध्ये जाऊन बसतो. त्यानंतर ट्रेनही पुढे निघून जाते आणि वाहतूकही सुरू होते. हा व्हिडिओ पाहून तुम्हालाही हसू आवरणार नाही. पण बिहारमधील ही परिस्थिती पाहून नेटकऱ्यांनी प्रशासनावर संताप व्यक्त केला आहे. या पद्धतीमुळे ट्रेनला ठरलेल्या वेळेत पोहोचायला उशीर होत असल्यामुळे प्रवाशांनाही त्रासाला सामोरे जावे लागते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
