अजित पवार जरी मराठा असले तरी फडणवीस भारी आहेत असं वक्तव्य भाजपच्या एका खासदाराने आपल्या कार्यकर्त्याला बोलताना केलं आहे. यासंदर्भातील एक ऑडिओ क्लीप सोशल मीडियावर व्हायरल झाली आहे.
"अजित पवार गटाला हिंदुत्वाचं काही घेणं देणं नाही मग त्यांना भाजपमध्ये प्रवेश कसा दिला. भाजप तर हिंदुत्वाच्या विचारावर चालणारा पक्ष आहे. त्यांचा प्रवेश नाकारायला पाहिजे होता." असा प्रश्न कार्यकर्त्याने विचारल्यावर धुळे येथील भाजपचे खासदार सुभाष भामरे यांनी हे वक्तव्य केलं आहे.
उद्या अमित शाह ओवैसींनापण पक्षात घेतील आणि जलील यांना कायदेमंत्री करतील, असं चालेल का? असा प्रश्न कार्यकर्त्यांनी विचारला, त्यानंतर असं काही होणार नाही, आपल्याला फक्त भाजपला मतदान करून मोदींना निवडून द्यायचं आहे असं भामरे म्हणाले. त्यावर कार्यकर्ता म्हणाला, अजित दादा भारी आहेत त्यांच्या पाठीमागे मोठा मराठा समाज आहे. त्यावर, "अजित दादांपेक्षा आपले देवेंद्र फडणवीस भारी आहेत." असं ते या कार्यकर्त्याला म्हणाले आहेत.
"तुम्ही राष्ट्रवादीच्या आमदाराला सुरत गुवाहटीला नेलं नाही, त्यांना झाडी, डोंगर दाखवलं नाही, तुम्ही त्यांच्यावर अन्याय केला" असंही कार्यकर्ता भामरे यांना म्हणाला.
दरम्यान, अजित पवार हे राष्ट्रवादीसोबत बंड करून भाजप शिंदे सरकारसोबत सामील झाले आहेत. त्यांच्यासोबत राष्ट्रवादीचे ३५ च्या आसपास आमदार असून पक्षावरही अजित पवार गटाने आपला दावा सांगितला आहे. त्यामुळे शिवसेनेनंतर आता राष्ट्रवादीतही मोठी फूट पडली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
