Viral Video : बोलो जुबां केसरी! विमलचा नाद, नवरी तर्राट; नवरदेवासमोर खाल्ला गुटखा

कलाकाराला आपली कला दाखवण्यासाठी प्रत्येकवेळी व्यासपीठाची गरज नसते असं म्हणतात. तसंच व्यसन करणाऱ्यालाही किंवा दारू पिणाऱ्यालासुद्धा स्पेशल हॉटेल किंवा ठिकाणाची गरज नसते. सध्या असाच एक व्हिडिओ सोशल मीडियावर व्हायरल झाला असून चक्क नवरी आपल्या लग्नामध्ये गुटखा खाताना दिसत आहे.

व्हायरल होत असलेला व्हिडिओ एका लग्नसमारंभातील असून या व्हिडिओमध्ये एक नवरी नवरदेवासमोरच गुटखा खात आहे. तर नवरदेव फोनवर बोलत असताना हा प्रकार घडला. यानंतर काही लोकं आश्चर्यचकित होऊन नवरीकडे पाहत आहेत. हे दृश्य पाहून आपल्यालाही धक्का बसल्याशिवाय राहणार नाही.

दरम्यान, इंस्टाग्रामवर हा व्हिडिओ शेअर करण्यात आला असून अनेकांनी हा व्हिडिओ शेअर केला आहे. नेटकऱ्यांनी या व्हिडिओवर मजेशीर कमेंट केल्या आहेत. तर आत्तापर्यंत या व्हिडिओला २८ हजार लोकांनी लाईक केलं आहे. या व्हिडिओवर नेटकऱ्यांनी केलेल्या कमेंट वाचून तुम्हाला हसू आवरणार नाही.