प्रत्येकाच्या घरात मांजर किंवा कुत्रा असे पाळलेले प्राणी असतात. काही जणांना प्राण्यांचा जास्त लळा असल्यामुळे ते पाळीव प्राण्यांना कपडेसुद्धा घालतात. तर अनेकदा हे पाळीव प्राणी घरातल्या व्यक्तींना कामात मदत करताना दिसतात. माणसांमध्ये राहून प्राणी काही गोष्टी शिकत असतात. सध्या एका मालकाचा आणि त्याच्या मांजरीचा गोड व्हिडिओ सोशल मीडियावर व्हायरल झाला आहे.
व्हायरल होत असलेल्या व्हिडिओमध्ये एक व्यक्ती घरात बसून काहीतरी खात आहे. त्याच्या शेजारच्या टेबलावर एक मांजर बसलेलं असून ते या व्यक्तीकडे हातवारे करत खायला मागत आहे. त्याचे हातवारे पाहून तुम्हीही थक्क व्हाल. पुढचा पाय उचलून मांजराने तोंडाजवळ नेला आणि "मला खायला दे" असं म्हणत ते हातवारे करताना दिसत आहे. त्याचबरोबर आपल्या पुढच्या पायाने सदर व्यक्तीला सुद्धा खुणावताना दिसत आहे.
दरम्यान, ज्यावेळी मालकाने त्याला खायला दिले त्यावेळी हे मांजर शांत बसले. हा व्हिडिओ सध्या सोशल मीडियावर चांगलाच व्हायरल झाला असून अनेकांनी त्यावर आपल्या मजेशीर प्रतिक्रिया व्यक्त केल्या आहेत. "म्याँव म्याँव करून काही फायदा नाही, त्याला असे हातवारे करून खायला मागितले पाहिजे" अशा मजेशीर कमेंट नेटकऱ्यांनी केल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
