बिलासपूर : छत्तीसगढमध्ये एका अल्पवयीन मुलाने नेताजी सुभाषचंद्र बोस यांच्या पुतळ्याची विटंबना केल्याची घटना घडली आहे. छत्तीसगढमधील बिलासपूर येथील सिपट चौकात ही घटना घडली असून सदर प्रकाराचा व्हिडिओ सध्या सोशल मीडियावर चांगलाच व्हायरल होत आहे.
व्हायरल होत असलेल्या व्हिडिओमध्ये एक अल्पवयीव मुलगा पुतळ्याच्या जवळ पायऱ्याने जातो. त्याच्या हातात सिगारेट आहे. तो पुतळ्याच्या जवळ जाऊन सिगारेट ओढत आहे. त्याचबरोबर तो सुभाषचंद्र बोस यांच्या पुतळ्याच्या चेहऱ्यावर धूर सोडताना दिसत असून त्यांच्या तोंडात सिगारेट धरताना दिसत आहे. हा व्हिडिओ पाहून अनेकांनी संताप व्यक्त केला आहे.
दरम्यान, व्हिडिओ व्हायरल झाल्यानंतर या आरोपीला पोलिसांकडून अटक करण्यात आली असून ज्या पुतळ्याची विटंबना केली त्या पुतळ्याच्या पाया पडण्यास भाग पाडले आहे. दुसऱ्या व्हिडिओमध्ये हा तरूण पुतळ्याची स्वच्छता करताना दिसत असून पुतळ्याच्या पाया पडताना दिसत आहे. ज्या मुलाने हा व्हिडिओ शूट केला त्याने पोलिसांना यासंबंधी माहिती दिली असल्याचं पोलिसांनी सांगितलं आहे. पुढील तपास सुरू असल्याचं पोलिसांनी सांगितलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
