मुंबई : भारतातील बेकायदा पद्धतीनं तयार होणाऱ्या सिगारेट्सचं प्रमाण हे भारतातील एकूण तंबाखूच्या वापराच्या ८ टक्के आहे. यामध्ये बनावटचं नव्हे तर बंदी घातलेली ई सिगरेट्स आणि व्हेप्सच्या विक्रीमुळं ग्रे मार्केट वाढू लागलं आहे. ‘ह्युमन सेंट्रिक ॲप्रोच फॉर टोबॅको कंट्रोल’ या सर्व्हेतून ही बाब समोर आली आहे.
या सर्व्हेनुसार भारतात ८.१ टक्के लोकांनी ई-सिगरेट वापरली आहे. २०१९ च्या प्रोहिबिशन ऑफ इलेक्ट्रॉनिक सिगरेट्स ॲक्टनुसार (पीईसीए) ई सिगरेट्सचं उत्पादन, विक्री, वितरण आणि सिगारेट्स जवळ बाळगणे हा गुन्हा असला तरीही काळ्या बाजारात या गोष्टी उपलब्ध असल्यानं त्याचा आरोग्यावरील धोका वाढतो आहे. यामुळं सरकारच्या करांतून मिळणारा महसूलही बुडत आहे.