राहुल गांधींना बाईकवर पाहून नागरिकांमध्ये मोठा उत्साह संचारला होता.
Bharat Jodo Yatra News : मध्य प्रदेशातील महू (Madhya Pradesh Mahu) इथं भारत जोडो यात्रेदरम्यान (Bharat Jodo Yatra) राहुल गांधी (Rahul Gandhi) बाईक (Bike) चालवताना दिसले. काँग्रेस नेत्यानं आज महू येथून यात्रेला सुरुवात केली. याठिकाणी त्यांचं जोरदार स्वागत करण्यात आलं.
याचवेळी राहुल गांधींना बाईकवर पाहून नागरिकांमध्ये मोठा उत्साह संचारला. त्यांना भेटण्यासाठी कार्यकर्त्यांनी एवढी गर्दी केली होती की, सुरक्षा व्यवस्थेत पोलीस दलालाही घाम फुटला. गर्दी हटवून मार्ग काढण्यासाठी पोलिसांना बरीच धडपड करावी लागली.
यात्रामार्गावर बायपासजवळ लाल गालिचा अंथरण्यात आला होता. रंगीबेरंगी कागद उडवून राहुल गांधींचं भव्य स्वागत करण्यात आलं. यावेळी राहुल गांधी बाईक चालवताना दिसले. त्यांना पाहण्यासाठी मोठी गर्दी उसळली होती. राहुल गांधींचा हा अनोखा अंदाज कार्यकर्त्यांना खूप आवडलाय. राहुल गांधी गेल्या दोन महिन्यांपासून भारत जोडो यात्रेत व्यस्त आहेत. हा प्रवास 7 सप्टेंबर 2022 रोजी सुरू झाला आणि जानेवारीपर्यंत सुरू राहणार आहे. या दौऱ्यात राहुल गांधी देशाच्या विविध भागांना भेटी देणार आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
